དེ་ཡང་སངས་རྒྱས་རིན་ཆེན་གཙུག་ཏོར་ཅན་གྱི་རྣམ་སྤྲུལ་༸གྲུབ་དབང་རྫོགས་སྤྲུལ་བདུན་པ་མཆོག་ནི་དཔལ་རི་གཉིས་པ་སྦས་ཡུལ་འབྲས་མོ་ལྗོངས་སུ་སྤྱི་ལོ་༡༩༦༤་ལོར་ཁྱིམ་བདག་ལྭ་དཀར་ཚང་དུ་སྐུ་འཁྲུངས། འཁྲུངས་མ་ཐག་༸སྐྱབས་རྗེ་རྡོ་གྲུབ་ཆེན་མཆོག་ཆེད་ཕེབས་གནང་ནས་ཐུབ་བསྟན་འཇིགས་མེད་བློ་གསལ་དབང་པོ་ཞེས་མཚན་གསོལ་དང་སྐུ་ཁྲུས་མཛད།
རྫོགས་ཆེན་མཁས་པའི་མི་སྣ།
རྫོགས་ཆེན་སྐུ་ཕྲེང་བདུན་པ་ཐུབ་བསྟན་འཇིགས་མེད་བློ་གསལ་དབང་པོ།
རྫོགས་ཆེན་ཡིད་བཞིན་ནོར་བུ་འཇིགས་མེད་བློ་གསལ་དབང་པོ།
ན་མོ་གུ་རུ་བྷྱ།
རྒྱལ་ཀུན་ཕྲིན་ལས་རང་གཟུགས་རྫོགས་ཆེན་པ། །དཀྱིལ་འཁོར་རྒྱ་མཚོའི་ཁྱབ་བདག་འཁོར་ལོས་བསྒྱུར། །
ཐེག་པ་མཆོག་གི་རྣལ་འབྱོར་བསྟན་འགྲོའི་མགོན། །སྐུ་ཕྲེང་རིམ་བྱོན་གསེར་རིའི་ཕྲེང་བར་འདུད། །
རྫོགས་ཆེན་ཡིད་བཞིན་ནོར་བུའི་མཛད་པ་མདོར་བསྡུས།
ྋགྲུབ་དབང་རྫོགས་ཆེན་རིན་པོ་ཆེ་སྐུ་འཕྲེང་དང་པོ་པདྨ་རིག་འཛིན་མཆོག་དང་ྋརྒྱལ་དབང་ལྔ་པ་ཆེན་པོ་མཆོག་ལ་ཐུན་མིན་གྱི་འབྲེལ་ལམ་ཡོད་པ་གཞིར་བཟུང་བཀའ་སློབ་ལམ་སྟོན་གང་གནང་བ་བཞིན་གྲུབ་དབང་མཆོག་མདོ་ཁམས་ཉི་མ་ཤར་ཕྱོགས་སུ་ཞབས་བསྐྱོད་ཀྱིས་རྫོགས་ཆེན་རུ་དམ་དགོན་ཕྱག་བཏབ་གནང་ནས་རིམ་བཞིན་སྐུ་འཕྲེང་བདུན་གྱི་རིང་བུ་དགོན་སུམ་བརྒྱ་ལྷག་གསར་འཛུགས་གནང༌།