སྤྱི་ལོ་ ༢༠༡༢ ཟླ་ ༡༢ པའི་ཚེས་ ༢༩ ཉིན་རྒྱ་གར་ལྷོ་ཕྱོགས་ཀརྣ་ཊ་ཀའི་མངའ་སྡེ། ཅམ་རཱ་ཇཱུ་ན་གྷར་རྫོང་། ཀོ་ལེ་གྷལ་བོད་མའི་གཞིས་ཆགས་དོན་ལྡན་གླིང་དུ་རྟེན་གཞི་བྱས་པའི། བྱེས་ཀྱི་གྲུབ་དབང་རྫོགས་ཆེན་དགོན་ཨོ་རྒྱན་བསམ་གཏན་ཆོས་གླིང་དུ། སྔ་འགྱུར་གྲུབ་དབང་རྫོགས་ཆེན་པའི་མཁན་སྤྲུལ་ལྷན་འཛོམས་ཐེངས་གསུམ་པ་དངོས་སུ་དབུ་འཛུགས་གནང་ཡོད་པ་རེད།
རྫོགས་ཆེན་མཁན་སྤྲུལ་ལྷན་འཛོམས་ཐེངས་གསུམ་པ།
ལས་བྱེད་འཕོ་ལེན་དང་བཀའ་སློབ།
སྤྱི་ལོ་ ༢༠༡༢ ལོའི་བོད་ཟླ་ ༦ པའི་ཚེས་ ༤ ཉིན་སངས་རྒྱས་བཅོམ་ལྡན་འདས་ཀྱི་ཆོས་འཁོར་བསྐོར་བའི་དུས་ཆེན་གྱི་ཉིན་མོར། གྲུབ་དབང་རྫོགས་ཆེན་ཡིད་བཞིན་ནོར་བུ་དབུར་བཞུགས་ཐོག ཆོས་འཁོར་དུས་ཆེན་ལ་རྗེས་དྲན་གྱི་ཆོས་ཚོགས་ཤིག་འཚོགས་པ་དང་། དགོན་པའི་རྒྱུན་ལས་འཕོ་ལེན་གྱིས་གསལ་བསྒྲགས་ཀྱང་གནང་ཡོད་པ་རེད།
རྫོགས་ཆེན་མཁན་པོ་ཕྱོགས་བསྐྱོད།
རྫོགས་ཆེན་མཁན་པོ་འཇམ་དཔལ་བསྟན་འཛིན་མཆོག་རྫོགས་ཆེན་དགོན་གཞུང་འབྲེལ་དུ་ཕྱོགས་བསྐྱོད་ཕེབས་འདུག དེ་ཡང་བོད་ཟླ་ ༠༡་ཚེས་༠༥ ཉིན་རྫོགས་ཆེན་རིན་པོ་ཆེ་དང་མཉམ་གྲུབ་དབང་རྫོགས་ཆེན་པའི་མཁན་སྤྲུལ་༡༢་ཙམ་འབྲས་ལྗོངས་ལ་མཉམ་འཛོམས་ཀྱིས་དགོན་དོན་ལ་གྲོས་བསྡུར་དང་། ཁྱད་པར་༸སྐྱབས་རྗེ་རྡོ་གྲུབ་རིན་པོ་ཆེར་སྙིང་ཐིག་དུམ་གཉིས་གསུང་བསྐུལ་ཞུས།