དེ་ཡང་སྔ་འགྱུར་བསྟན་པའི་གཙུག་རྒྱན་རང་རེའི་མེ་ཏོག་གང་ལ་ཕོག་པའི་ལྷ་སྐལ་༧སྐྱབས་རྗེ་རྡོ་གྲུབ་ཆེན་མཆོག་གིས་བཀའ་དགོངས་བཞིན་༧གྲུབ་དབང་རྒྱལ་བ་རྫོགས་ཆེན་དགོན་དུ་ལོ་ལྟར་འཚོགས་བཞིན་པའི་མ་ཧཱ་གུ་རུའི་ཚོགས་འབུམ་ཆེན་མོ་ད་རེབ།
གསར་འཕྲིན།
ས་སྐྱ་ཁྲི་ཆེན་རིན་པོ་ཆེ་རྫོགས་དགོན་དུ་ཕེབས།
སྤྱི་ལོ་༢༠༡༧ ཟླ་༤ པའི་ཚེས་༡༩ ཉིན་རྒྱབ་དཔལ་ལྡན་ས་སྐྱ་༧ གོང་མ་ཁྲི་ཆེན་རིན་པོ་ཆེ་མཆོག་ཀོ་ལེ་གྷལ་དོན་ལྡན་གླིང་གཞིས་སྒར་དུ་ཆུབས་བསྒྱུར་གནང་།
སྤྲེལ་ལོ་སྤྲེལ་ཟླའི་ཚེས་༢༥ ཉིན་མ་ཧཱ་གུ་རུའི་ཚོགས་འབུམ་འཚོགས་འདུག
དེ་ཡང་སྤྲེལ་ལོ་སྤྲེལ་ཟླའི་ཚེས་བཅུ་ཉིན་རྫོགས་ཆེན་རིན་པོ་ཆེ་འཁོར་བཅས་སྦས་ཡུལ་འབྲས་མོ་ལྗོངས་ལ་ཆེད་ཕེབས་ཀྱིས་༧སྐྱབས་རྗེ་རྡོ་གྲུབ་ཆེན་རིན་པོ་ཆེ་མཆོག་ལ་བརྟན་བཞུགས་རྒྱས་པ་ཞིག་ཕུལ་ཅིང་། དེ་ནས་གུ་རུའི་གནས་མཆོག་བྲག་དཀར་བཀྲ་ཤིས་སྡིངས། གནས་མཆོག་རྡོ་རྗེ་གདན། ཝ་ར་ན་སུ་སོགས་སུ་ཕྱག་སྐོར་དང་། ཚོགས་མཆོད་ཕུལ་ཏེ་ཕྱིར་དགོན་ནང་དུ་ཕེབས།
སྔ་འགྱུར་རྙིང་མའི་སྤྱི་འཐུས་སུ་འདེམས་ཐོན་བྱུང་བ།
དེ་ཡང་རྫོགས་ཆེན་ལས་ཐོག་མཁན་པོ་ཤར་མི་ཉག་པ་འཇམ་དཔལ་བསྟན་འཛིན་མཆོག་ལ་ཚད་མཐོའི་འོས་ཤོག་བླུག་ཏེ་སྔ་འགྱུར་རྙིང་མ་པའི་སྤྱི་འཐུས་སུ་བདམས་འདུག །སྤྱི་ལོ་༢༠༡༦ ལོའི་སྐབས་༡༦ པའི་སྔ་འགྱུར་རྙིང་མའི་སྤྱི་འཐུས་འོས་འདེམས་སྐབས་སྔོན་འགྲོའི་སྐབས་མཁན་པོ་མཆོག་དེར་ཞུགས་འདོད་དང་གྲ་སྒྲིག་གང་ཡང་མེད་རུང་མི་གཉིས་ཀྱི་འོས་ཤོག་བླུག་ཅིང་།
དངོས་གཞི་ནང་འོས་གྲངས་༥༩༣ དང་། བརྒྱ་ཆ་%༦༤:༠༧ འོས་ཐོབ་སྟེ་སྔ་འགྱུར་རྙིང་མའི་སྤྱི་འཐུས་སུ་འདེམས་ཐོན་བྱུང་འདུག །
༧སྐྱབས་རྗེ་རྡོ་གྲུབ་ཆེན་མཆོག་ལ་བརྟན་བཞུགས་ཕུལ།
སྤྱི་ལོ་༢༠༡༦ ཟླ་༨ ཚེས་༡༣ དང་། བོད་རབ་རྒྱན་མེ་སྤྲེལ་ལོའི་སྤྲེལ་ཟླའི་ཚེས་༡༠ ཉིན་གྲུབ་ཐོབ་པདྨ་རིག་འཛིན་རྫོགས་ཆེན་རིན་པོ་ཆེ་མཆོག་གི་དབུས་འབྲེལ་ཡོད་རྫོགས་ཆེན་སློབ་འབངས་ནས། ལྷ་སྲས་མུ་རུབ་བཙད་པོའི་རྣམ་སྤྲུལ་ཆེ་བ་དྲུག་ལྡན་སྔ་འགྱུར་རྙིང་མ་བའི་བསྟན་པ་ཡོངས་རྫོགས་ཀྱི་མངའ་བདག །ཁྱད་པར་དཔལ་ཀློང་ཆེན་སྙིང་ཐིག་གི་བསྟན་པའི་སྲོག་ཤིང་པ་ཆེན་པོ་༧ སྐྱབས་རྗེ་རྡོ་གྲུབ་ཆེན་སྐུ་འཕྲེང་བཞི་པ་འཇིགས་མེད་འཕྲིན་ལས་དཔལ་འབར་མཆོག་ལ་བརྟན་བཞུགས་རྒྱས་པ་ཞིག་ཕུལ་འདུག །རང་བསྟན་རྗེས་ལུས་བྱེད་མི་རུང་བ་དྲན་པའི་གསོས་སྨན།
དྲི་བ། འཕགས་ཡུལ་རྫོགས་ཆེན་དགོན་གྱི་མཁན་སྤྲུལ་ལྷན་འཛོམས་འཚོགས་ཐེངས་རིམ་པ་གང་འདྲ་འཚོགས་པ་རེད།
ལན། རེད་ལགས་འཕགས་ཡུལ་རྫོགས་ཆེན་དགོན་ནས་མཁན་སྤྲུལ་བླ་སློབ་ཀྱི་འཚོགས་འདུ་གལ་ཆེན་ཐེངས་གསུམ་འཚོགས་ཡོད་པ་རེད། འཚོགས་ཐེངས་དང་པོ་སྤྱི་ལོ ༡༩༩༧ ལོར་འཚོགས་པ་རེད། སྐབས་དེར་མཁན་ཆེན་པདྨ་ཚེ་དབང་དབུར་བཞུགས་པའི་གནད་ཡོད་མི་སྣ་མང་པོ་ཕེབས་ཡོད་པ་དང། ཉིན་གཉིས་རིང་ལ་འཚོགས་ནས་རང་བསྟན་འཛིན་སྐྱོང་སྤེལ་གསུམ་སྐོར་གྲོས་བསྡུར་བྱེད་ནས་འབྱུང་འགྱུར་བསྟན་པ་འཛིན་སྐྱོང་སྐོར་གྲོས་ཆོད་མང་པོ་བཞག་འདུག དེ་ནས་མི་ལོ་༡༤་ཙམ་གྱི་རིང་ལ་འཚོགས་མི་འདུག
དོན་ལྡན་གླིང་དུ་རྫོགས་ཆེན་དགོན་པས་ནང་ཆོས་ངོ་སྤྲོད་བྱས།
ཀོ་ལེ་གྷལ་གཞིས་སྡེ་ལ་གྲུབ་དབང་རྫོགས་ཆེན་དགོན་ཆེན་པའི་མཁན་སློབ་རྣམས་ཀྱིས་ནང་ཆོས་ངོ་སྤྲོད་གནང་བ།
དེ་ཡང་སྤྱི་ནོར་༸གོང་ས་ཆེན་པོ་མཆོག་གི་བཀའ་དགོངས་དང་། ཉེ་ཆར་བོད་ཀྱི་ཆོས་བརྒྱུད་ཆེན་པོ་བཞི་དང་གཡུང་དྲུང་བོན་བཅས་ཀྱི་བཤད་སྒྲུབ་བསྟན་པ་གོང་སྤེལ་ལྷན་ཚོགས་ཀྱི་རེ་འབོད་བཞིན།
ཤྲཱི་སེང་མཁན་པོ་ཁྲི་གསོལ་གྱི་མཛད་སྒོ།
སྤྱི་ལོ་ ༢༠༡༢ ཟླ་ ༡༢ ཚེས་ ༣༡ ཉིན་རྒྱ་གར་ལྷོ་ཕྱོགས་ཀོ་ལེ་གྷལ་དོན་གླིང་གཞིས་ཆགས་སུ་རྟེན་གཞི་བྱས་པའི། གྲུབ་དབང་རྫོགས་ཆེན་དགོན་ཤྲཱིར་སེང་ལས་ཐོག་མཁན་རབས་ ༤ པ་དང་། གཞན་ཡང་ཤྲཱི་སེང་བཤད་གྲྭར་ཐོས་བསམ་སློབ་གཉེར་བྱས་ཟིན་པའི་སློབ་དཔོན་ལྔ་ལ་མཁན་པོའི་མིང་གསོལ་མཛད་སྒོ་ཞིག་འཚོགས་ཡོད་པ་རེད།
དགོན་པའི་འཛིན་སྐྱོང་དང་འགན་འཛིན་བརྗེ་ལེན།
གྲུབ་དབང་རྫོགས་ཆེན་མཁན་སྤྲུལ་ལྷན་འཛོམས་ཐེངས་གསུམ་པའི་སྐབས་འབྲེལ་ཡོད་དགོན་པའི་འགན་ཡོད་བླ་སྤྲུལ་རྣམས་གྲོས་བསྡུར་ཐག་གཅོད་བྱུང་བ་བཞིན་ ༢༠༡༣ ཟླ་ ༡ ཚེས་ ༡ ཉིན་འཕགས་ཡུལ་གྲུབ་དབང་རྫོགས་ཆེན་དགོན་ཨོ་རྒྱན་བསམ་གཏན་ཆོས་གླིང་གི་སྤྱི་ཁྱབ་འཛིན་སྐྱོང་དང་འགན་འཛིན་བརྗེ་ལེན་གྱི་རྩིས་ལེན་རྩིས་སྤྲོད་བྱས་ཡོད་པ་རེད།
བཀའ་དྲིན་རྗེས་དྲན་གྱི་བརྟན་བཞུགས།
སྤྱི་ལོ་ ༢༠༡༢ ཟླ་ ༡༢ པའི་ཚེས་ ༢༩ ཉིན་རྒྱ་གར་ལྷོ་ཕྱོགས་ཀརྣ་ཊ་ཀའི་མངའ་སྡེ། ཅམ་རཱ་ཇཱུ་ན་གྷར་རྫོང་། ཀོ་ལེ་གྷལ་དོན་ལྡན་གླིང་གཞིས་སྤྱི་ཐུན་མོང་དང་། གྲུབ་དབང་རྫོགས་ཆེན་པའི་མཁན་སྤྲུལ་ལྷན་འཛོམས་ཐེངས་གསུམ་པའི་ཚོགས་བཅར་བ་རྣམས་ཀྱིས། གྲུབ་དབང་རྫོགས་ཆེན་ཡིད་བཞིན་ནོར་བུ་ཐུབ་བསྟན་འཇིགས་མེད་བློ་གསལ་དབང་པོ་མཆོག་གི་སྐུ་ཚེ་སྐལ་བརྒྱར་བརྟན་པ་དང་བཀའ་དྲིན་རྗེས་དྲན་གྱི་བརྟན་བཞུགས་རྒྱས་པ་ཞིག་ཕུལ་ཡོད་པ་རེད།