རྫོགས་ཆེན་སྐུ་ཞབས་དགེ་མང་སྐུ་རབས་བཞི་པ་འཇིགས་མེད་ཀུན་བཟང་།
བོད་རབ་བྱུང་བཅུ་དྲུག་པའི་ཤིང་ཡོས། སྤྱི་ལོ་༡༩༧༥ ལོར་ ཡབ་འབར་ཆུང་དཔོན་མཐུ་སྟོབས་མགོན་པོ་དང་། ཡུམ་རིགས་བཟང་མ་རྡོ་རྗེ་ལྷ་མོ་གཉིས་ཀྱི་སྲས་སུ་སྐུ་འཁྲུངས་བ་བཞིན། པདྨའི་རྒྱལ་ཚབ་བདུད་འཇོམས་འཇིགས་བྲལ་ཡེ་ཤེས་རྡོ་རྗེ་ལ་མི་ཉག་རྒྱལ་དབང་ཉི་མ་ནས་དགེ་མང་ཡང་སྲིད་ངོས་འཛིན་དགོས་ཚུལ་ཡང་ཡང་ཞུས་མཐར།
རྫོགས་ཆེན་པ།
རྫོགས་ཆེན་སྐུ་ཞབས་དགེ་མང་སྐུ་རབས་བཞི་བ་མཆོག
མི་ཉག་བུ་ཕྲུག་ངོ་སྤྲོད་ཉུང་བསྡུས།
མི་ཉག་བུ་ཕྲུག་མཆོག་ངོ་སྤྲོད་མདོར་བསྡུས། མི་ཉག་བུ་ཕྲུག་ནི་སྤྱི་ལོ༡༩༣༠ལོར་སྐུ་འཁྲུངས།དགུང་ལོ་བདུན་པ་ནས་བཟུང་སྔ་ཕྱིར་རི་ཁུད་སྤྲུལ་སྐུ་འཇིགས་མེད་ཆོས་ཀྱི་འོད་ཟེར་དང་རི་ཁུད་བཤད་གྲྭའི་མཁན་པོ་འཇམ་དབྱངས་བློ་གྲོས་སོགས་མཚན་ལྡན་གྱི་དགེ་བའི་བཤེས་གཉེན་རྣམས་ཀྱི་མདུན་ནས་ཆོས་མདོ་སྔགས་རིག་གནས་དང་བཅས་པ་ལ་ཐོས་བསམ་མཛད།ཁྱད་པར་དུ་ཁོང་གིས་རྩིས་དཀར་ནག་དང་ཡང་སྒོས་ནག་རྩིས་ལ་སྦྱངས་པ་དཔྱིས་ཕྱིན་མཛད་པས་དུས་ཕྱིས་ཡུལ་མི་ཀུན་ལ་གཤིན་རྩིས་དང་བག་རྩིས་སོགས་གང་ལ་གང་མཁོའི་ཕན་ཐོགས་བྱུང་བར་བཤད།༡༩༥༨ལོར་དགེ་བའི་བཤེས་གཉེན་དཔལ་བཟང་བོ་གང་ཡང་རང་དགོན་ནས་སླར་སྐུའི་རང་ཡུལ་དུ་མི་ལོག་ཐབས་མེད་བྱུང་སྟེ་མི་དམངས་མཉམ་ལས་ཁང་གི་ངལ་རྩོལ་ལ་ཞུགས།
མཁས་དབང་ཉན་ཤུལ་འཇམ་དབྱངས་གྲགས་པ།
མཁས་པའི་དབང་པོ་ཉན་ཤུལ་འཇམ་དབྱངས་གྲགས་པ་མཆོག་གི་མཛད་རྣམ་རགས་བཀོད།
མདོ་སྟོད་འཛིན་མའི་པང་ནས་མཚན་དཔེ་དེ་བཞད་ཅིང་། །ཆོལ་གསུམ་དབུ་ནག་ལས་འགན་ཕྲག་སྟེང་ལ་བཞེས་ཏེ། །
གངས་རིའི་ཚེ་སྲོག་གསོ་བའི་ཟུངས་ཁྲག་དེ་འཇོ་ཕྱིར། །མཛད་འཕྲིན་ཞབས་རྗེས་དྭངས་མ་གངས་ངོས་སུ་ཕབ་སོང་། །
ཚོགས་ཤུལ་བླ་མ་ནོར་བུ་བསྟན་འཛིན།
སྔ་འགྱུར་ལོ་ཙཱ་ཆེན་པོ་ཅོག་རོ་ཀླུའི་རྒྱལ་མཚན་གྱི་སྤྲུལ་པའི་རྣལ་རོལ་ཚོགས་ཤུལ་བླ་མ་རིན་པོ་ཆེ་ནོར་བུ་བསྟན་འཛིན་མཆོག་ནི། མི་ཉག་རབ་སྒང་རིང་མོའི་ལྟེ་བ་ཤར་བཞག་བྲ་ལྷ་རྩེའི་མདུན་ཞོལ་དུ་ལྡོང་གི་རུས་སུ་གཏོགས་པ་ཚོགས་ཤུལ་དོན་འགྲུབ་དབང་རྒྱལ་གྱི་སྲས་སུ་མཚན་དཔེའི་གཟུགས་སྐུ་འཁྲུངས། སྐུ་ན་ཆུང་ངུའི་དུས་ནས་ཡི་གེ་འབྲི་ཀློག་དང་འདོན་ཆོག་རྣམས་ཀྱི་དོན་ཡང་ཚེག་མེད་དུ་མཁྱེན་ཅིང་ཤེས་རབ་ཁྱད་དུ་འཕགས་པས་བླ་སྤྲུལ་སོགས་ཀུན་གྱིས་བསྔགས་བརྗོད་ཀྱི་མེ་ཏོག་འཐོར།
མཁས་པའི་དབང་པོ་ཉན་ཤུལ་མཁྱེན་རབ་འོད་གསལ།
དགུང་ལོ་ལྔ་ལ་སོན་སྐབས་ནས་ཡབ་དམ་པ་དང་།མཁས་བཙུན་བཟང་གསུམ་གྱི་བདག་ཉིད་ཆེན་པོ་གཅེན་པོ་རྒྱལ་ཁམས་བླ་མ་དཀོན་མཆོག་རྣམ་རྒྱལ་གཉིས་ཀྱི་སྐུ་མདུན་ནས་བོད་ཡིག་གི་འབྲི་ཀློག་གཉིས་ལ་བྱང་ཆུབ་པ་བསླབས་པ་དང་།འདོན་རྟ་དབྱངས་དང་།བཅའ་རྡུང་འབུད་དཀྲོལ།གར་ཐིག་དབྱངས་རོལ་སོགས་ལ་སྦྱངས་པ་ལེགས་པར་མཛད་དེ་གཞུང་ཆེན་ཁག་ལ་སྦྱོང་གནང་བའི་རྨང་གཞི་བརྟན་པོ་ཚུགས།རྗེས་སུ་རྫོགས་ཆེན་ཤྲཱི་སིང་ཧའི་བཤད་གྲྭར་ཞུགས་ནས་མཁས་མཆོག་དུ་མར་སློབ་དཔོན་བསྟེན་ཅིང་གཞུང་ཆེན་བཅུ་གསུམ་ལ་ཐོས་བསམ་གྱིས་སྒྲོ་འདོགས་བཅད་ནས་མཁས་པའི་ཡང་རྩེར་སོན་ཞིང་སྙན་པའི་གྲགས་པ་གངས་ལྗོངས་འཛིན་མའི་རི་ལུང་ཀུན་ཏུ་ཁྱབ་བོ། །
རྫོགས་ཆེན་སྐུ་ཞབས་དགེ་མང་སྐུ་ཕྲེང་གསུམ་པ།
རྫོགས་ཆེན་སྐུ་ཞབས་དགེ་མང་སྐུ་ཕྲེང་གསུམ་པ།
རྫོགས་ཆེན་དགོན་གྱི་རྒྱབ་ཕྱོགས་ཧ་ཅང་མི་རིང་བའི་སར། གཡང་འཁྱིལ་སྟོད་ཅེས་སྨན་ལྗོངས་ཉམ་དགའ་བར་གྲོང་ཚོ་ཞིག་ཡོད་པར་ལེགས་པའི་དགེ་མཚན་བཟང་པོ་དང་བཅས་འཁྲུངས་ཤིང་རྫོགས་ཆེན་ལྔ་པས་ངོས་འཛིན་གནང་ནས་ཁྲིར་བཀོད།
རྫོགས་ཆེན་སྐུ་ཞབས་དགེ་མང་སྐུ་ཕྲེང་གཉིས་པ།
རྫོགས་ཆེན་སྐུ་ཞབས་དགེ་མང་སྐུ་ཕྲེང་གཉིས་པ་ཐུབ་དབང་བསྟན་པའི་ཉི་མ།
རྫོགས་ཆེན་ཤྲྭི་སེང་བླ་བྲང་དུ་སྐུ་ཚེ་མཐར་ཕྱིན་བར་བཅད་རྒྱ་ཐེམ་སྤངས་ཀྱིས་བཞུགས་ཤིང་། སྨིན་ཁྲིད་དང་ལུང་རྒྱུན་སོགས་གཟིམས་ཁང་གི་དྲྭ་མ་ཕྱེས་ནས་རྒྱ་ཆེན་སྤེལ་བར་བརྒྱུད་ཡིག་སོགས་ལས་ཤེས། ཁྲིར་མ་འཁོད་ཀྱང་འཕྲིན་ལས་ཀྱི་སྤྲུལ་བ་གོང་དུ་ལོ་རྒྱུས་མཚོན་ཙམ་བཀོད་པ་ལྟར་མཁན་ཆེན་གཞན་དགའ་རིན་པོ་ཆེ་མཆོག་ཡིན་ཅིང་རྒྱལ་བསྟན་བཤད་སྒྲུབ་ཀྱིས་བསྐྱངས་པས་ཕྱག་རྗེ་ཆེ།
རྫོགས་ཆེན་ཆོས་འབྱུང་ཡོངས་འདུས་ལྗོན་པའི་སྐྱེད་ཚལ་ལས།
ཤར་མི་ཉག་པ། འཇམ་དཔལ་བསྟན་འཛིན་ནས་བཏུས།
རྫོགས་ཆེན་དཔོན་སློབ་སྐུ་འཕྲེང་༢་༣་༤་༥།
གཉིས་པདྨ་གསང་སྔགས་བསྟན་འཛིན། འདི་གཉིས་ཀྱི་རྣམ་ཐར་གོང་དུ་བཤད་ཟིན་ལྟར་དང་། གསུམ་པ་ནམ་མཁའ་ཆོས་ཀྱི་རྒྱལ་མཚོ། བཞི་པ་ཡིད་ལྷུང་ལ་ཐོག་ཏུ་འཁྲུངས་པ་འཇིགས་མེད་ཆོས་དབྱིངས་འོད་གསལ་ལམ་དཀོན་མཆོག་བསྟན་པའི་ཉི་མ་སྟེ། འདི་གཉིས་མཁས་བཙུན་བཟང་གསུམ་ལྡན་པའི་སྐྱེས་ཆེན་རྟོགས་པའི་དབང་ཕྱུག་འགྲན་ཟླ་དང་བྲལ་ཞིང་འཁོར་ལོ་གསུམ་གྱི་མཛད་པ་རྒྱ་ཆེན་པོས་བསྟན་འགྲོ་བསྐྱངས་ཏེ་འབྲེལ་ཚད་དོན་ལྡན་དུ་མཛད་པ་སོགས་དང་།
སྤྱིར་རྫོགས་ཆེན་སྐུ་རབས་བཞི་བ་མི་འགྱུར་ནམ་མཁའི་རྡོ་རྗེ་ཚུན་ནས་བསྟན་བདག་མཆོག་སྤྲུལ་རྣམ་གསུམ་ཞེས་གྲགས་པའི་གཙོ་བོ་གྲུབ་དབང་པདྨ་རིགས་འཛིན་དང་། དཔོན་སློབ་ནམ་མཁའ་འོད་གསལ་སྐུ་ཕྲེང་རྣམས་དང་།དེ་ནས་བཻ་རོའི་རྣམ་སྤྲུལ་དགེ་མང་གཞན་ཕན་མཐའ་ཡས་སྐུ་རབས་བཅས་བགྲང་སྲོལ་འདུག་འདུག་པ་ལྟར་འདིར་ཡང་དམ་པ་དེ་དག་གི་སྐུ་ཕྲེང་རགས་ཙམ་སྨོས་ན། རྫོགས་ཆེན་དཔོན་སློབ་སྐུ་ཐོག་དང་པོ་ནམ་མཁའ་འོད་གསལ་དང་། སྐུ་རབས་ལྔ་བ་མཁན་ཆེན་གཞན་དགའ་རིན་པོ་དང་སྐུ་རུས་གཅིག་ཏུ་རྒྱ་སྐོང་དཔལ་ལྡན་ཚང་ལ་འཁྲུངས་ཤིང་། །རྫོགས་སྤྲུལ་ལྔ་པས་ངོས་འཛིན་གྱིས་ཁྲིར་བཀོད་ནས་རྫོགས་ཆེན་པདྨའི་ཐང་དུ་གསན་བསམ་མཛད་བཞིན་དགུང་གྲངས་སུམ་བཅུ་སྐོར་ནས་དགོངས་པ་རྫོགས་པའི་ཚུལ་ཙམ་ལས་ཞིབ་ཕྲ་ཇི་བཞིན་ངེས་གསལ་ཞུ་མ་ཤེས།
རྫོགས་ཆེན་ཆོས་འབྱུང་ཡོངསའདུས་ལྗོན་པའི་སྐྱེད་ཚལ་ལས།
ཤར་མི་ཉག་པ། འཇམ་དཔལ་བསྟན་འཛིན་ནས་བཏུས།
རྫོགས་ཆེན་དཔོན་སློབ་སྐུ་འཕྲེང་དྲུག་པ།
རྫོགས་ཆེན་དཔོན་སློབ་སྐུ་རབས་དྲུག་པ།
ཁྲོམ་ཐ་ཨ་ཆོས་ཁྱིམ་དུ་འཁྲུངས་པ་ཁྲིར་བཀོད་མ་ཐུབ་ཀྱང་། དེའི་རྗེས་ཡབ་ལྡན་ཁོག་ཨ་ཐུབ་སྲས་པོ་ཚེ་དབང་ཕུན་ཚོགས་དང་། ཡུམ་རིགས་བཟང་མཁའ་འགྲོའི་མཚན་རྟགས་ལྡན་པའི་སྡེ་དགེ་རྒྱ་མཁར་སྲས་མོ་སྐལ་བཟང་ཆོས་སྒྲོན་གཉིས་སུ་རྒྱལ་དབང་ཀརྨ་པ་བཅུ་དྲུག་པའི་གཅུང་དུ་རབ་བྱུང་བཅུ་དྲུག་པའི་ས་འབྲུག་ལོ།
རྫོགས་ཆེན་པ་རྒྱལ་སྲས་གཞན་ཕན་མཐའ་ཡས།
རྫོགས་ཆེན་རྒྱལ་སྲས་གཞན་ཕན་མཐའ་ཡས།
རབ་བྱུང་གཅིག་གཉིས་པའི་ལྕགས་སྤྲེལ། སྤྱི་ལོ ༡༨༠༠ལོར་འཁྲུངས། སྨིན་གླིང་གཏེར་ཆེན་རིན་པོ་ཆེའི་ཡང་སྲིད་དུ་ལུང་གིས་ཟིན་ཅིང་། གྲུབ་དབང་བྱུང་ཆུབ་རྡོ་རྗེ་དང་། འཇིགས་མེད་རྒྱལ་བའི་མྱུ་གུ་མི་འགྱུར་ནམ་མཁའི་རྡོ་རྗེ། སེང་ཕྲུག་པདྨ་བཀྲིས། སྨིན་གླིང་ཁྲི་ཆེན་གཙོར་གྱུར་གསར་རྙིང་རིས་མེད་ཀྱི་སྐྱེས་ཆེན་དུ་མ་ལ་བསྟེན་ནས་གསན་བསམ་སྒྲོ་འདོགས་བཅད། སྟོད་ཀྱི་གངས་ཏི་སི་ནས་སྨད་རྒྱ་ནག་གླང་ཆེན་འགྱིང་རིའི་ཡན་གྱི་སྒྲུབ་གནས་རྣམས་སུ་སྒྲུབ་པ་ཉམས་སུ་བཞེས་པས་འགྲན་ཟླ་དང་བྲལ་བའི་མཁས་གྲུབ་ཆེན་པོར་གྱུར། བླ་མས་ལུང་བསྟན་པ་བཞིན་དུ་དཔལ་གྱི་སེང་གེའི་ཆོས་གྲྭར་བཞུགས་ནས་བཤད་སྒྲུབ་ཀྱི་འཕྲིན་ལས་མཁའ་དང་མཉམ། ཁྱབ་པར་སྨིན་གླིང་ཁྲི་ཆེན་སངས་རྒྱས་ཀུན་དགའ་དང་། པད་སྤྲུལ་པདྨ་དབང་རྒྱལ་ཟུང་གིས་རྗེས་སུ་བསྐུལ་བ་བཞིན། སྔ་འགྱུར་བཀའ་མའི་མཆོག་ཕྲིན་ཕལ་ཆེར་གྱི་གླེགས་བམ་དུ་བསྡུ་བར་མཛད་ནས་དཔར་དུ་བསྒྲུབས། འདུལ་བ་གཞི་གསུམ་གྱི་ཕྱག་ལེན་རྣམ་པར་དག་པ་དང་། སྔ་འགྱུར་བཀའ་མའི་སྒྲུབ་ཕྲིན་གྱིས་མདོ་སྨད་ཕལ་ཆེར་ཁྱབ་པ་ནི་དམ་པ་འདི་ཡབ་སྲས་ཀྱི་བཀའ་དྲིན་ལས་བྱུང་། འཕགས་པ་སྤྱན་རས་གཟིགས་ཀྱི་རྣམ་འཕྲུལ་འཇིགས་མེད་རྒྱལ་བའི་མྱུ་གུ། སེམས་པ་ཆེན་པོ་ཤྭནྟ་དེ་ཝ་བསམ་བཞིན་སྲིད་པ་ཉེ་བར་བཟུང་བ་དཔལ་སྤྲུལ་ཨོ་རྒྱན་ཆོས་ཀྱི་དབང་པོ་དང་། ཀུན་མཁྱེན་གཉིས་བརྩེ་ཟློས་གར་སོགས་ལ་བསྩལ་བའི་རྒྱུན་ལས་ཐུགས་གཏེར་གྱི་འཕྲིན་ལས་ཀྱིས་ཤར་ནུབ་རྒྱ་མཚོའི་མཐའ་ཚུན་ཁྱབ་པར་གྱུར།
ཞལ་སློབ་གཙོ་བོ་ཁག དཔལ་སྤྲུལ་འཇིགས་མེད་ཆོས་ཀྱི་དབང་པོ། བཀའ་བབ་བདུན་ལྡན་མཁྱེན་བརྩེའི་དབང་པོ། མཁན་ཆེན་པདྨ་བཛྲ། ཞེ་ཆེན་མཐུ་སྟོབས་རྣམ་རྒྱལ། གླིང་སྤྲུལ་ཐུབ་བསྟན་ཉིན་བྱེད། སྨིན་ཁྲི་སངས་རྒྱས་ཀུན་དགའ། རྒྱལ་རོང་དབོན་སྤྲུལ། པད་གླིང་ཀུན་བཟང་བདེ་ཆེན། རྡོ་བྲག་རིག་འཛིན་ཆེན་མོ་སོགས་བགྲངས་ཀྱི་མི་ལང་པ་བྱུང་།
གསུང་རྩོམ་ཁག གསང་སྙིང་སྤྱི་འབྲེལ། ཞི་ཁྲོའི་དཀའ་འགྲེལ། སུམ་རྟགས་འབྲུ་འགྲེལ་སོགས་ཐུན་མོང་ཐུན་གྱི་གནས་ཀུན་གསལ་བར་བྱེད་པའི་ལེགས་བཤད་དུ་མ་ལྗགས་རྩོམ་གནང་མཐར་དགུངས་གྲངས་༥༦་བཞེས་པ་རབ་བྱུང་༡༤་པའི་ཤིང་མོ་ཡོས་ལོ སྤྱི་ལོ ༡༨༥༥ ལོར་ཆོས་ཉིད་ཞི་བའི་དབྱིངས་སུ་སྐུ་གཤེགས་པར་གྱུར་ཏོ།
རྫོགས་ཆེན་ཆོས་འབྱུང་ཡོངས་འདུས་ལྗོན་པའི་སྐྱེད་ཚལ་ལས།
ཤར་མི་ཉག་པ་། འཇམ་དཔལ་བསྟན་འཛིན་ནས་སྤེལ།