ཡབ་གསེར་བ་ཚེ་མཆོག་རྡོ་རྗེ་དང་། ཡུམ་བཀྲ་ཤིས་ལྷ་མོ་གཉིས་ཀྱི་སྲས་སུ་རབ་བྱུང་བཅུ་དྲུག་པའི་ལྕགས་སྦྲུལ་༼༡༩༤༡༽ལོའི་དགུན་ཟླ་འབྲིང་པོའི་ཚེས་ཉེར་ལྔ་ཉིན་གཙང་ཐང་ཞིང་ཐར་རི་ཁྲོད་དུ་ངོ་མཚར་བའི་རྟགས་མཚན་དུ་མ་དང་བཅས་ཏེ་སྐུ་འཁྲུངས།
རྫོགས་ཆེན་ཆོས་བརྒྱུད།
རྒྱ་ཤུལ་ཆེ་མཆོག་རྡོ་རྗེ་ནི།
ཡབ་ཝོའི་བའི་དགའ་རབ་རྡོ་རྗེ་དང་། མ་ཡུམ་རྒྱ་ཤུལ་ཚེ་གཡང་ལྷ་མོ་གཉིས་ཀྱི་སྲས་སུ་རབ་བྱུང་བཅོ་ལྔ་པའི་ས་གླང་༼༡༩༤༩༽ལོར་གཡུ་ཁོག་ཏུ་འཁྲུངས།
ཀློང་ཆེན་ཡོན་ཏན་རྒྱ་མཚོ་ནི།
ཡབ་མགོ་སྤྲུལ་གར་དབང་འཇིགས་མེད་རྣམ་རྒྱལ་དང་། ཡུམ་གཡུ་རོང་མི་རྒོད་བཟའ་ལྷ་ཁོ་མ་གཉིས་ཀྱི་སྲས་སུ་རབ་བྱུང་བཅོ་ལྔ་པའི་ཤིང་བྱི་༼༡༩༢༤ ༡༩༦༠༽ལོར་གཡུ་ཁོག་ཏུ་འཁྲུངས།
ར་ཡབ་བླ་མ་ཀླུ་དབང་ནི།
ཡབ་བཀྲ་ཤིས་ཕུན་ཚོགས་དང་། ཡུམ་ར་ཡབ་ལྷ་མོ་གཉིས་ཀྱི་སྲས་སུ་རབ་བྱུང་བཅོ་ལྔ་པའི་ས་རྟ་༼༡༩༡༨ ༡༩༩༠༽ལོར་སྐུ་འཁྲུངས།
མཆོག་སྤྲུལ་ཚུལ་ཁྲིམས་བསྟན་འཛིན་ནི།
མ་ཡུམ་ལི་ཐང་སྒྲོལ་མ་ཆོས་མཚོའི་སྲས་སུ་རབ་བྱུང་བཅོ་ལྔ་པའི་ས་རྟ་༼༡༩༡༨ ༡༩༨༩༽ལོར་རྟའུ་ཉ་མཚོའི་དགོན་འདབས་སུ་སྐུ་འཁྲུངས།
མཁན་སྤྲུལ་འཇམ་དབྱངས་དཔལ་ལྡན་སྙན་གྲགས་ནི།
ཡབ་གཡུ་སྲས་ཚེ་དཔལ་ནོར་བུ་དང་། ཡུམ་བཞག་བཟའ་ཆོས་སྒྲོན་གཉིས་ཀྱི་སྲས་སུ་རབ་བྱུང་བཅོ་ལྔ་པའི་ཤིང་སྟག་༼༡༩༡༥ ༡༩༦༢༽ལོར་གཡུ་ཁོག་ཏུ་འཁྲུངས།
རྒྱ་ཤུལ་བླ་མ་གཡུ་མོ་རིས་ནི།
ཡབ་རྒྱ་ཤུལ་ཤེས་རབ་བཟང་པོ་དང་། ཡུམ་གནམ་བཟའ་བདེ་ལྷ་གཉིས་ཀྱི་སྲས་སུ་རབ་བྱུང་བཅོ་ལྔ་པའི་ལྕགས་ཕག་༼༡༩༡༡ ༡༩༧༦༽ལོར་སྐུ་འཁྲུངས། སྐུ་མ་འཁྲུངས་པའི་ཡར་སྔོན་ནས། རྒྱ་ལྷས། ཤེས་རབ་བཟང་པོར་སང་ཕོད་ཁྱེད་ལ་བུ་གཅིག་འབྱུང་། དེ་གཡུ་ཐོག་ཡོན་ཏན་མགོན་པོའི་སྤྲུལ་པའི་ཆ་ཤས་ཤིག་ཡིན་གསུངས། སྲས་འཁྲུངས་པའི་ཕྱི་ལོ་ཡབ་སྐུ་བསྙུན་ནས་འདའ་ཁར་ཡུམ་ལ། གཤིན་རྗེའི་ཞགས་པས་ཐེབས་དུས་ཁོ་བོ་ལ་མི་འགྲོའི་རང་དབང་མི་འདུག་མོད། བུ་འདི་བདག་སྐྱོང་ཡག་པོ་གྱིས་དང་། བསྟན་འགྲོར་སྨན་པ་ཞིག་འབྱུང་གསུངས། དགུང་གྲངས་ནར་སོན་སྐབས་གཡུ་དགོན་བཤད་གྲྭར་བཞུགས། དེ་ནས་རྫོགས་ཆེན་དུ་གྲྭ་སར་ཕེབས། རྫོགས་སྤྲུལ་ལྔ་པ་དང་། མཁན་ཆེན་ཐུབ་བསྟན་སྙན་གྲགས་སོགས་ལས་སྨིན་གྲོལ་བདུད་རྩིའི་བཅུད་ལ་རོལ། གསེར་ཡག་སྒང་དུ་གཡུ་ཁོག་བྱ་བྲལ་བའི་ཞབས་པད་བསྙེན་ནས་མན་ངག་རྫོགས་པ་ཆེན་པོའི་ཆོས་སྐོར་རྣམས་གསན་བསམ་ཉམས་བཞེས་མཛད། རྟེན་རབ་བྱུང་དུ་བཞུགས་ཤིང་བཙུན་པའི་ཚད་དུ་གྲགས། དགུང་གྲངས་རེ་དྲུག་བཞེས་པ་མེ་འབྲུག་ལོར་ཞི་བར་གཤེགས།
གཡུ་ཁོག་ཡི་དམ་རྡོ་རྗེས་བྲིས་པའི་མདོ་ཁམས་གཡུ་ཁོག་ཡུལ་གྱི་ཆོས་སྲིད་ཀྱི་བྱུང་བ་བརྗོད་པ་ལོ་རྒྱུས་ཐོར་བུའི་བང་སོ་དེབ་གཟུགས་ཅན། ལྡེབ་ངོས་226 ནས་227བར།
ཤར་མི་ཉག་པ།རྫོགས་ཆེན་མཁན་པོ་འཇམ་དཔལ་བསྟན་འཛིན་ནས་བསྒྲིགས།
གསང་སྔགས་རྡོ་རྗེ་ཐེག་པའི་བཀའ་བསྡུ་མཛད་ཚུལ།
གསུམ་པ་འབྲས་བུ་གསང་སྔགས་རྡོ་རྗེ་ཐེག་པ་བསྡུས་ཤིང་དར་ཚུལ་ནི།དེ་ལ་རྒྱུད་འགྲེལ་འགའ་ཞིག་ཏུ་རྒྱུད་
ཀྱི་ཞུ་བ་པོ་དང་མཇུག་ཏུ་གང་ལ་གཏད་པ་དེས་བསྡུས་པར་བཞེད་དེ།
ནགས་རྟ་སྤྲུལ་སྐུ་རིག་མཆོག་རྡོ་རྗེ་ནི།
ཡབ་གྲུབ་པའི་དབང་ཕྱུག་རྒྱ་ལྷ་མོ་ཚེ་རིང་དང་། ཡུམ་ནགས་རྟ་དབང་མོ་སྐྱིད་གཉིས་ཀྱི་སྲས་སུ་རབ་བྱུང་བཅོ་ལྔ་པའི་ས་སྤྲེལ་༼༡༩༠༨ ༡༩༦༢༽ལོར་སྐུ་འཁྲུངས།
ལ་ཟའི་མཁན་པོ་དོན་གྲུབ་དབང་རྒྱལ་ནི།
ཡབ་ལ་ཚགས་དང་། ཡུམ་ཝ་ཤུལ་བཟའ་ཞིག་གི་སྲས་སུ་རབ་བྱུང་བཅོ་ལྔ་པའི་ས་བྱ་༼༡༩༠༩ ༡༩༥༩༽ལོར་སྐུ་འཁྲུངས།