ཕྱི་ལོ་༡༩༥༠ ཡས་མས་ཀྱི་སྔ་འགྱུར་གྲུབ་དབང་༧ རྒྱལ་བ་རྫོགས་ཆེན་དགོན་པའི་བསྟན་བདག་བླ་སྤྲུལ་ཁག་ཅིག་གི་སྐུ་པར་རྩ་ཆེན་འགའ་གཤམ་གསལ་ལྟར་འགོད་རྒྱུ་ཡིན་ན་འབྲེལ་ཡོད་ཚོས་དེ་བཞིན་དགྱེས་བཞེས་མཛོད།
༡༽ རྫོགས་ཆེན་རིན་པོ་ཆེ། ༢༽ མཁན་པོ་མགོན་རིས། ༣ འབྲུག་པ་སྐུ་ཆེན། ༤༽ སྐྱབས་རྗེ་པདྨ་སྐལ་བཟང་། ༥༽ རིན་པོ་ཆེའི་གཅུང་རྒྱལ་འཕགས་ཨ་བུ་སྤྲུལ་སྐུ། ༦ ཡབ་རྒན་ངག་ནོར་བུ། ༧ ཕྱག་མཛོད་བཟོད་པ། ༨ གཉེར་བ་བསོད་རྒྱལ། ༩ དྲུང་ཡིག་ཆོས་གྲགས། ༡༠ བཟོད་པའི་ཚ་བོ་ཐུབ་བསྟན་ཤེས་རབ། ༡༡ དབུ་མཛད་བླ་མ་རང་བྱུང་། ༡༢ གྲྭ་པདྨ་རྣམ་རྒྱལ་སོགས་ལས་གཞན་འགའ་རེ་ངོས་ཟིན་ཐབས་མ་བྱུང་བ་བཅས།
ཤར་མི་ཉག་པ་འཇམ་དཔལ་བསྟན་འཛིན་ནས།
༢༠༢༡/༧/༢ ཉིན།
ཀུན་མཁྱེན་རྒྱལ་བ་ཀློང་ཆེན་རབ་འབྱམས་པ་ཁོང་﹙༡༣༠༨–༡༣༦༣﹚ནི་སྔ་འགྱུར་བསྟན་པའི་སྒྲོན་མེ་ཆེན་པོ་འགྲན་ཟླ་བྲལ་བ་ཞིག་སྟེ། གཡོ་རུ་གྲྭའི་ཆ་སྟོད་གྲོང་༼ད་ལྟའི་འཕྱོང་རྒྱས།༽དུ་ཡབ་སྔགས་འཆང་བསྟན་པ་སྲུང་དང་། ཡུམ་འབྲོམ་བཟང་བསོད་ནམས་རྒྱན་གཉིས་ཀྱི་སྲས་སུ་འཁྲུངས། མཚན་གཞན་དྲི་མེད་འོད་ཟེར་དང་ཚུལ་ཁྲིམས་བློ་གྲོས་ཏེ་ཀུན་མཁྱེན་ཚུལ་བློ་ཡང་གསོལ།