བདེ་གཤེགས་རྒྱལ་རིན་ཆེན་ཟུར་ཕུད་ཅན། །གདུལ་བྱའི་སྣང་ངོར་མི་ཡི་ཚུལ་བཟུང་བ། །
བསྟན་འཛིན་མི་ཤིགས་འཇིགས་བྲལ་ལྷུན་པོའི་དཔལ། །བསྟན་འགྲོའི་མགོན་དུ་བསྐལ་བརྒྱར་འཚོ་ཞེས་གསོལ། །
རྩོམ་རྙིང་ཤོས།
སྤེལ་གསར་ཤོས།
ཞབས་བརྟན་གསོལ་འདེབས།
ཞབས་བརྟན་སྨོན་ཚིག་འཆི་མེད་རང་སྒྲ།
ཨོྃ་སྭ་སྟི། རབ་འབྱམས་རྩ་གསུམ་རྒྱ་མཚོའི་བྱིན་རླབས་ཀྱིས། །རྒྱལ་བསྟན་འཛིན་ལ་འཇིགས་བྲལ་ལྷུན་པོ་མཆོག །
གདུལ་བྱ་གླིང་བཞིའི་མགོན་དུ་བརྟན་བཞུགས་ནས། །འཕྲིན་ལས་རབ་རྒྱས་བཞེད་དོན་ལྷུན་གྲུབ་ཤོག །
ཞབས་བརྟན་སྨོན་ཚིག།
འཇིགས་མེད་ཐེག་མཆོག་རྡོ་རྗེ་སྙིང་པོ་ཡི། །ཆོས་མཛོད་སྒོ་འཕར་འབྱེད་ལ་ཟླ་བྲལ་ཞིང་། །
བློ་གསལ་སྐལ་བཟང་རིག་འཛིན་གྲུབ་པའི་གཙོ། །ལྷ་མའི་དབང་པོའི་རྒྱན་དུ་འཚོ་ཞེས་གསོལ། །
ཞབས་བརྟན་གསོལ་སྨོན།
བསླུ་མེད་སྐྱབས་གནས་རྒྱ་མཚོའི་མཐུ་བྱིན་གྱིས། །པདྨ་རིག་འཛིན་རྒྱལ་བའི་མྱུ་གུ་མཆོག །
འཇིགས་མེད་བློ་གསལ་གྲུབ་པའི་དབང་པོ་ཡི། །ཞབས་པད་རྟག་མཛད་འཕྲིན་དར་རྒྱས་ཤོག །
ཞབས་བརྟན་གསོལ་འདེབས་དངོས་གྲུབ་དཔལ་སྟེར་ཞེས་བྱ་བ།
གདོད་ནས་ཀ་དག་ཆོས་སྐུ་ཀུན་དུ་བཟང་། །གཅིག་ཏུ་འགྲོ་ལ་བརྩེ་ཆེན་ལོངས་སྤྱོད་རྫོགས། །
གང་འདུལ་སྤྲུལ་བའི་རོལ་གར་མཚོ་སྐྱེས་རྗེ། །དེང་འདིར་བྱིན་རླབས་མཐུ་ཡིས་དངོས་གྲུབ་སྩོལ། །