གདན་ས་ཆེན་པོ་བརྩེ་ཆེན་ས་སྐྱ་དགོན་པ་འམ་གསང་སྔགས་བདེ་ཆེན་ནི་འཁོན་སྟོན་དཀོན་མཆོག་རྒྱལ་པོས་རང་བྱུང་དང་པོའི་ཆུ་གླང་སྤྱི་ལོ ༡༠༧༣ ལོར་བོད་གཙང་ཕྱོགས་སུ་ས་ཁུལ་ས་སྐྱ་རྫོང་གི་བྱང་ངོས་དབོན་པོ་རི་གླང་ཆེན་ཉལ་བ་དང་འདྲ་བའི་མཁལ་ཁུང་གཡས་པའི་ཐད་ནས་ས་དཀར་ཞིང་སྣུམ་ལ་ཆུ་གཡས་སུ་འབབ་པ་སོགས་ཀྱི་བཀྲ་ཤིས་དགེ་མཚན་དུ་མ་ལྡན་པ་མཁྱེན་ནས་ས་དེར་དགོན་བཏབ་ཅིང་དགོན་པའི་མིང་ཡང་སའི་ཁ་དོག་ལ་གཞིག་ནས་ས་སྐྱ་དགོན་པ་ཞེས་བཏགས་ཤིང་།
རྩོམ་རྙིང་ཤོས།
སྤེལ་གསར་ཤོས།
རྫོགས་ཆེན་སྐུ་ཕྲེང་དང་པོ་གྲུབ་དབང་པདྨ་རིག་འཛིན།
༈ གྲུབ་དབང་རྫོགས་ཆེན་པ་ཆེན་པོ་པདྨ་རིག་འཛིན་ཞེས་ཡོངས་སུ་གྲགས་པའི་གྲུབ་པའི་དབང་པོ་འདི་ཉིད་ངེས་པའི་དོན་དུ་སྔོན་བསྐལ་པ་དཔག་ཏུ་མེད་པའི་གོང་རོལ་ནས་བདག་ཅག་གི་སྟོན་པ་ཡང་དག་པར་རྫོགས་པའི་སངས་རྒྱས་ཤཱཀྱའི་རྒྱལ་པོ་གྲངས་མེད་གསུམ་དུ་དཀའ་བ་སྤྱད་པའི་དང་པོར་བྱང་ཆུབ་ཏུ་ཐུགས་བསྐྱེད་པ་ནས་གྲངས་མེད་གསུམ་གྱི་དང་པོའི་སངས་རྒྱས་བདུན་ཁྲི་ལྔ་སྟོང་ཡོངས་སུ་མཉེས་པར་མཛད་པའི་རྗེས།
གྲུབ་དབང་རྒྱལ་བ་རྫོགས་ཆེན་གཞིས་དགོན།
གྲུབ་དབང་རྒྱལ་བ་རྫོགས་ཆེན་གཞིས་དགོན་ནི།
བོད་རབ་བྱུང ༡༡ པ་སྟེ་སྤྱི་ལོ ༡༦༨༥ ལོར་གྲུབ་ཐོབ་པདྨ་རིག་འཛིན་གྱིས་ཐོག་མར་ཕྱག་བཏབ་གནང་། དེ་ནས་སྐུ་རབས་བདུན་དང་རྗེས་འཇུག་རིམ་བྱོན་གྱིས་མཛད་ཕྲིན་བསྐྱང་ཏེ་བཤད་སྒྲུབ་ལས་གསུམ་གྱི་མཛད་བཟང་རྒྱ་ཆེ་ལ་རྒྱུན་རིང་།
གཟན་དཀར་མཆོག་སྤྲུལ་རིན་པོ་ཆེ།
གངས་ཅན་བོད་ཀྱི་མཁས་པའི་དབང་པོ་མཆོག་སྤྲུལ་གཟན་དཀར་རིན་པོ་ཆེ་ནི། ཡུལ་མདོ་ཁམས་སྒང་དྲུག་གི་ནང་ཚན་མི་ཉག་རབ་སྒང་དཔལ་ལྷ་སྒང་དུ་འབྲོག་ཁྱིམ་ཞིག་ཏུ་སྤྱི་ལོ༡༩༤༣ལ་འཁྲུངས། སྐུ་བྱིས་པའི་དུས་ནས་ཡ་མཚན་གྱི་མཛད་པ་མང་པོ་དང་མ་འོངས་སྔོན་གཟིགས་ཀྱིས་ལུང་བསྟན་གནང་བ་སོགས་ཡུལ་མི་རྒན་པོའི་ངག་ཏུ་གྲགས། (more…)
ཕ་མེས་ཀྱི་ཡ་རབས་སྤྱོད་བཟང་བརླགས་ན་ངོ་ཚ་རེད།
དྲི་བ། རིན་པོ་ཆེ་སྔ་འགྱུར་རྙིང་མ་པའི་བླ་ཆེན་ཞིག་ཡིན་པའི་ཆ་ནས་ཉེ་ཆར་ཆོས་ཚོགས་ཐེངས་བཅུ་པ་ཚོགས་སྐབས་དང་འབྲེལ་བའི་ཐོག་དགོངས་ཚུལ་གང་ཡོད།
ལན། ང་རང་སྐབས་དེར་དངོས་སུ་འགྲོ་མ་ཐུབ་ཀྱང་ཚབ་ཅིག་བཏང་ཡོད། ཆོས་ཚོགས་དེ་སྔར་དང་མ་འདྲ་བའི་གཟི་བརྗིད་ཅན་ཞིག་དང་གྲུབ་འབྲས་ལྡན་པ་ཞིག་འཚོགས་འདུག གྲོས་ཆོད་ཚང་མ་ང་རང་གིས་མཐོང་སོང་ལ་མཐར་ཐུག་གི་གཏན་འབེབས་དེ་ཚོ་ཡག་པོ་འདུག