བསྟན་གཡོའི་དྭངས་བཅུད་སྙིང་པོར་འདྲིལ་བའི་སྲོག། ཁ་སྦྱོར་བདུན་ལྡན་མཐའ་ཀླས་དཀྱིལ་འཁོར་བདག།། ཚེ་དང་ཡེ་ཤེས་དངོས་ཀུན་སྩོལ་བའི་ལྷ།། རིང་པོར་འཚོ་བའི་དཔལ་གྱི་སྐབས་དབྱེ་ཤོག། ཀུན་བཟང་རྡོ་རྗེ་འཆང་དབང་པདྨ་འབྱུང་།། གྲུབ་པའི་རིག་འཛིན་མཆོག་ཏུ་རོལ་བའི་གར།།བསྟན་འགྲོར་རྗེས་སུ་བརྩེ་བའི་ཡ་མཚན་ཕུལ།། རིམ་བྱོན་སྐྱེ་བའི་འཕྲེང་བར་གསོལ་བ་འདེབས།། རྨད་བྱུང་ཐུབ་བསྟན་ལུང་རྟོགས་འཛིན་པའི་འཕྲུལ།།
རྩོམ་རྙིང་ཤོས།
སྤེལ་གསར་ཤོས།
ཞབས་བརྟན་གསོལ་བདེན་ཚིག་རྡོ་རྗེའི་སྒྲ་དབྱངས།
ཁྱབ་གདལ་ཞི་བ་ཆེན་པོའི་དབྱིངས་ཉིད་ལས།། ལྷན་གྲུབ་ཡེ་ཤེས་དག་པའི་རོལ་མོ་རུ།། སྣང་བའི་ཟློ་གར་ཀུན་ནས་སྤྲོ་མཁས་པ།། དཔལ་ལྡན་བླ་མ་མཆོག་ལ་གསོལ་བ་འདེབས།། མགོན་ཁྱོད་ཤུགས་དྲག་གདུང་བ་མི་མངའ་ཞིང་།། སྣང་བཞིའི་ནམ་གྱི་བགྲོད་པས་དབུགས་དབྱུངས་སྟེ།། ལྷུན་རྫོགས་དང་པོའི་མགོན་པོར་སངས་རྒྱས་ཀྱང་།། ཐོས་འཛིན་སྐལ་བཟང་བྱས་ལ་གསོལ་བ་འདེབས།།
བསྟན་འཛིན་འཇིགས་བྲལ་ལྷུན་པོའི་ཞབས་བརྟན།
ཀུན་བཟང་རྡོ་རྗེ་འཆང་དབང་པདྨ་འབྱུང་།། གྲུབ་པའི་རིག་འཛིན་མཆོག་ཏུ་རོལ་བའི་གར།།
བསྟན་འགྲོར་རྗེས་སུ་བརྩེ་བའི་ཡ་མཚན་ཕུལ།། རིམ་བྱོན་སྐྱེ་བའི་ཕྲེང་བར་གསོལ་བ་འདེབས།།
དྲྭ་འབྲེལ་ལྷན་རྒྱས་ལགས།
རྫོགས་ཆེན་དྲྭ་ཚུགས་ཀྱི་སྐོར།
དུས་རབས་ཀྱི་འགྱུར་འགྲོས་འདི་དྲ་བའི་དུས་རབས་སླེབས་པས། ཆེ་བ་རྒྱལ་ཁབ་ནས་ཆུང་བ་མི་སྒེར་ཚུན་ཆད་ཀྱིས་ཆོས་དང་འཇིག་རྟེན། ཚན་རིག་དང་དཔལ་འབྱོར། སྤྱི་ཚོགས་དང་འཚོ་བ། སྲིད་དོན་དང་དམག་དོན་སོགས་མདོར་ན་རིགས་གནས་ཀྱི་བྱ་དངོས་ཡོངས་རྫོགས་དྲ་བའི་བརྒྱུད་ལམ་དུ་སྤེལ་ཞིང་། དྲ་བས་འཛམ་གླིང་ལ་དབང་བསྒྱུར་བཞིན་པའི་དུས་རབས་ཤིག་ཡིན་པར་བརྟེན། དྲ་བ་ནི་ང་ཚོ་དང་ཧ་ལམ་ཁ་བྲལ་ཐབས་མེད་པའི་ཚོད་དུ་གནས་ལ། དྲ་བའི་བརྒྱུད་ལམ་ལ་ཞུགས་རྒྱུ་ནི་སྲིད་འབྱོར་རིག་གསུམ་གང་གི་ཆ་ནས་ཀྱང་དཔལ་ཡོན་དར་སྤེལ་གཏོང་བར་དགེ་མཚན་ཡང་ཆེན་པོ་ཞིག་ཏུ་གྱུར་ཡོད། དེར་བརྟེན་ངེས་འཕགས་ཡུལ་གྲུབ་དབང་རྫོགས་ཆེན་དགོན་ཤྲཱི་སེང་བཤད་གྲྭ་རྩོམ་སྒྲིག་ཁང་གི་ངོས་ནས་ཀྱང་། གྲུབ་དབང་རྒྱལ་བ་རྫོགས་ཆེན་པ་ཅེས་པའི་དྲྭ་ཚུགས་ཤིག་སྔར་ནས་སྒོ་འབྱེད་བྱས་པ་ཡིན་ནའང་། རྩོམ་སྒྲིག་པ་རྣམས་ལ་དྲ་བའི་རྩོམ་སྒྲིག་གི་ཉམས་མྱོང་དང་ཤེས་ཡོན། དུས་ཚོད་སོགས་གང་གི་ཐད་ནས་ཀྱང་མ་འདེང་བའི་སྐྱོན་ཆ་ཆེ་བར་བརྟེན། ད་བར་སྤུས་ཀ་དག་པོ་དང་ཚགས་ཚུད་པོ་ཞིག་བྱུང་མ་སོང་བས་རྒྱ་ཆེའི་ཀློག་པ་པོ་རྣམས་ལ་རང་གནོང་མཐོལ་བཤགས་བྱེད་ཀྱི་ཡོད་ལ། བར་ལམ་ཞིག་ནས་སྔར་ཀྱི་མི་ལོ་བཞི་ལྷག་གི་ལས་ཀའི་མཉམ་མྱོང་ལས་དྲྭ་ཚུགས་བསྐྱར་བཅོས་ཀྱིས། སྔར་ལས་ཅུང་ཟད་སྤུས་ཀ་དག་པོ་དང་ཚགས་ཚུད་པོ། སྟབས་བདེ་པོར་བཏང་ཁུལ་ཡིན། འོན་ཀྱང་། ད་དུང་ཡང་མ་འཇོན་པའི་ཆ་ནི་གང་མང་མང་ཞིག་ཡོད་པ་གདོན་མི་ཟ་བས་རྒྱ་ཆའི་ཀློག་པ་པོ་རྣམས་ཀྱིས་དགེ་སྐྱོན་ཐེར་འདོད་ཀྱི་དགོངས་འཆར་ལྷུག་པོ་ཡོང་བར་མཁྱེན་མཁྱེན།
ཟུར་བརྗོད། འབྲེལ་ཡོད་རྣམས་ཀྱིས་དྲྭ་བ་འདི་དང་འབྲེལ་བ་ཡོད་པའི་རྩོམ་རིགས་སྣ་མང་དུས་ཐོག་བསྐུར་གནང་ཡོང་བ་དང་། ཁྱད་པར་གྲུབ་དབང་རྫོགས་ཆེན་པའི་གཤེགས་ཟིན་མཁས་གྲུབ་རྣམས་ཀྱིས་སྐུ་པར་དང་གསུང་རྩོམ་འཐོར་བུ། འདོན་ཆ་སོགས་རྩིས་འཕྲུལ་ནང་དུ་བཅུགས་ཟིན་ཡོད་ན་རང་གཅེས་རང་དམར་གྱིས་བསྐུར་གནང་ཡོད་པར་ཞུ།
གྲུབ་དབང་རྫོགས་ཆེན་ཤྲཱི་སེང་རྩོམ་སྒྲིག་སྡེ་ཚན་ནས།
རྫོགས་ཆེན་ཤྲཱི་སེང་རྩོམ་སྒྲིག་ཁང༌ལ་འབྲེལ་གཏུག་བྱེད་ས།
དྲྭ་ཡིག jamphal@gmail.com
ལག་འཕྲིན། 0091 9986908589
ཁ་པར། Tel+91(0)8225273247
གཟུགས་འཕྲིན། fax +91(0)8225273267
བསམ་པ་ལྷུན་གྲུབ་མ་བཞུགས་སོ།
བསམ་པ་ལྷུན་གྲུབ་མ་བཞུགས་སོ།
༄༅། །ཨེ་མ་ཧོཿ ནུབ་ཕྱོགས་བདེ་བ་ཅན་གྱི་ཞིང་ཁམས་སུ༔
སྣང་བ་མཐའ་ཡས་ཐུགས་རྗེའི་བྱིན་རླབས་གཡོས༔
སྤྲུལ་སྐུ་པདྨ་འབྱུང་གནས་བྱིན་རླབས་ཏེ༔
འཛམ་བུའི་གླིང་དུ་འགྲོ་བའི་དོན་ལ་བྱོན༔
འགྲོ་དོན་རྒྱུན་ཆད་མེད་པའི་ཐུགས་རྗེ་ཅན༔
ཨོ་རྒྱན་པདྨ་འབྱུང་གནས་ལ་གསོལ་བ་འདེབས༔
བསམ་པ་ལྷུན་གྱིས་གྲུབ་པར་བྱིན་གྱིས་རློབས༔