ཁོང་ནི་མང་ཡུལ་གུང་ཐང་རྔ་རྩ་རུ་ཡབ་མི་ལ་ཤེས་རབ་རྒྱལ་མཚན་དང་། ཡུམ་མྱང་ཚ་དཀར་རྒྱན་གཉིས་ཀྱི་སྲས་སུ་རབ་བྱུང་དང་པོའི་ལྕགས་འབྲུག་ལོར༼འདས་ལོ1584༽སྐུ་འཁྲུངས། ཆུང་དུས་སུ་ཡབ་གཤེགས་ཏེ་རང་ཁྱིམ་གྱི་ནོར་རྫས་ཕ་ཚན་གྱིས་བདག་ཏུ་བཟུང་བས་ སྡུག་མང་པོ་མཐོང་། དེའི་འཁོན་ལན་སློག་པར་མཐུ་བསླབས་ནས་མི་མང་པོ་བསད། སླད་ནས་སྡིག་པ་ལ་འགྱོད་དེ་ཆོས་བྱེད་པར་ལྷོ་བྲག་ཏུ་ཕེབས་ཏེ་མར་པ་ལོ་ཙྭ་དང་ མཇལ།དབང་དང་མན་ངག་རྫོགས་པར་གསན། དེ་ནས་སྐྱིད་གྲོང་སོགས་སུ་སྒྲུབ་པ་སྙིང་པོར་མཛད་པས་གྲུབ་པའི་ས་མཐོར་གཤེགས། རས་ཆུང་བ་སོགས་སློབ་མ་གྲགས་ཅན་མང་པོ་བྱུང་། དགུང་ལོ་བརྒྱད་ཅུ་གྱ་བཞི་པ་རབ་བྱུང་གཉིས་པའི་ཆུ་ཡོས་ལོར༼འདས་ལོ1668༽སྐུ་གཤེགས་སོ།།