འཁོར་གདོང་གཡུ་སྤྲུལ་རྡོ་རྗེ་རྒྱལ་མཚན་ནི།

བཀླགས་གྲངས། 85

རབ་བྱུང་བཅོ་ལྔ་པའི་ས་སྟག་༼༡༨༧༨ ༡༩༡༤༽ལོར་ཧོར་བླ་གཞན་ཕན་པའི་སྲས་སུ་གཡུ་ཁོག་ཏུ་སྐུ་འཁྲུངས། གཡུ་ཁོག་རྒྱ་སྤྲུལ་དང་། ཡབ་རྗེ་ཧོར་བླ།

འཁོར་གདོང་མགོན་དབང་སོགས་ལས་སྨིན་གྲོལ་གྱི་གདམས་པ་དུ་མ་མནོས། དགུང་གྲངས་བཅུ་དྲུག་བཞེས་པ་ཆུ་སྦྲུལ་ལོར་འཁོར་གདོང་བླ་མ་མགོན་དབང་གིས་གཏེར་ཆེན་ནུས་ལྡན་རྡོ་རྗེ་འགྲོ་ཕན་གླིང་པའི་ཡང་སྲིད་དུ་ངོས་འཛིན་མཛད་ནས་གསང་སྔགས་འཁོར་ལོ་གདོང་གི་བསྟན་པའི་བདག་པོར་མངའ་གསོལ་ཁྲི་འདོན་མཛད། དགུང་གྲངས་ཉེར་དྲུག་བཞེས་པ་ཆུ་ཡོས་ལོར་ཟིལ་གནོན་མཁའ་འགྲོ་སེང་གདོང་མའི་ཆོས་སྐོར་རྣམས་དག་སྣང་མཁའ་འགྲོའི་བརྡ་མཛོད་ནས་དག་པར་ཕབ། གཡུ་སྤྲུལ་སྐལ་ལྡན་གླིང་པ་ཞེས་མཚན་དུ་གྲགས། འཁོར་གདོང་དགོན་དང་། ཤུག་ཆུང་དགོན་སོགས་སུ་འདུས་པའི་སྡེ་ཆེན་པོར་བྱང་གཏེར་ཆོས་སྐོར་དང་། འདུས་པ་མདོ་དབང་སོགས་བསྩལ། རྟེན་རབ་བྱུང་དུ་བཞུགས། གཏེར་ཡུམ་མ་བཞེས་པའི་བར་ཆད་ཀྱིས་དགུང་གྲངས་སོ་བདུན་བཞེས་པ་ཤིང་སྟག་ལོར་སྐུ་གཤེགས།

གཡུ་ཁོག་ཡི་དམ་རྡོ་རྗེས་བྲིས་པའི་མདོ་ཁམས་གཡུ་ཁོག་ཡུལ་གྱི་ཆོས་སྲིད་ཀྱི་བྱུང་བ་བརྗོད་པ་ལོ་རྒྱུས་ཐོར་བུའི་བང་སོ་དེབ་གཟུགས་ཅན། ལྡེབ་ངོས་210

 

ཤར་མི་ཉག་པ།རྫོགས་ཆེན་མཁན་པོ་འཇམ་དཔལ་བསྟན་འཛིན་ནས་བསྒྲིགས།

Menu