ཕྱི་ལོ་  ༢༠༡༨ ཟླ་ ༡  ཚེས་ ༢༡ གཟའ་ཉི་མ།

མཁན་པོ་མཆོག་མཛད་སྒོར་ཆེད་ཕེབས་གནང་།

སྤྱི་ཟླ་༡༡་པའི་ཚེས་༢༢་ནས་ཕྱོགས་ཕེབས་གནང་སྟེ་ཚེས་༢༤ ནས་ཉིན་གྲངས་༣ རིང་རྒྱ་གར་བྱང་ཤར་ཨ་རུ་ནཱ་ཅལ་མངའ་སྡེའི་ཏི་ཛུ་དར་རྒྱས་གླིང་བོད་མིའི་གཞིས་ཁོངས་སུ་ཆགས་པའི་ལྷ་དགོན་བྱང་ཆུབ་ཆོས་གླིང་གཙུག་ལག་ཁང་རྟེན་དང་བརྟེན་པར་བཅས་པ་གསར་བཞེངས་ལེགས་ཀྱི་མཛད་སྒོ་དང་། ལྷ་འབྲང་ཡང་སྲིད་ཁྲི་སྟོན་མཛད་སྒོ་འཚོགས་ཡོད་པ་རེད། མཛད་སྒོའི་སྐབས་རྒྱ་གར་མངའ་སྡེའི་སྤྱི་ཁྱབ་བློན་ཆེན་སྐུ་ཞབས་པདྨ་མཁའ་འགྲོ་དང་། བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ། རྣམ་གྲོལ་གླིང་དགོན་པའི་དབུ་འཛིན་མཆོག་སྤྲུལ་གྱང་ཁང་རིན་པོ་ཆེ། ལྷ་འབྲང་མཆོག་སྤྲུལ་རིན་པོ་ཆེ། རྫོགས་ཆེན་དགའ་ནོར་རིན་པོ་ཆེ། བོད་མི་མང་རྙིང་མའི་སྤྱི་འཐུས་མཁན་པོ་འཇམ་དཔལ་བསྟན་འཛིན། མངའ་སྡེའི་སྤྱི་ཁྱབ་བློན་ཆེན་གཞོན་པ་སྐུ་ཞབས་ (Shri.Chowna Mein) མངའ་སྡེའི་ནང་སྲིད་བློན་ཆེན། མངའ་སྡེའི་སྒོ་ཕྱུགས་སེམས་ཅན་དང་། རིག་གཞུང་བློན་ཆེན་སྐུ་ཞབས་མོ་ཧིཤ་ཆའི་ (Shri.Mohesh Chai) གཞན་ཡང་མངའ་སྡེའི་གྲོས་ཚོགས་འཐུས་མི་ཁག་ཅིག མངའ་སྡེའི་ (BJP) ཆབ་སྲིད་ཚོགས་པའི་ཚོགས་གཙོ། ས་གནས་བོད་རིགས་མི་མང་བརྒྱ་ཕྲག་བརྒལ་བ་འདུ་འཛོམས་བྱུང་འདུག ཕྱི་ཚེས་༢༤ མཛད་སྒོའི་ཉིན་དང་པོར་གཙུག་ལག་ཁང་དབུ་འབྱེད་དང་། དེ་རྗེས་ཡང་སྲིད་ཁྲི་སྟོན་མཛད་སྒོ་ཚོགས་པ་སོགས་ཆོས་ཕྱོགས་ཀྱི་མཛད་རིམ་ཁག་དང་། ཉིན་རྒྱབ་རྩ་འཆམ་གསེར་སྐྱེམས་དང་གཞས་སྣ་འཁྲབ་སྟོན་བྱས་ཡོད་པ་རེད། ཕྱི་ཚེས་༢༥ ཉིན་གྱི་སྔ་དྲོར་རྫོགས་ཆེན་དགའ་ནོར་རིན་པོ་ཆེ་ལ་བྱང་ཆུབ་ཆོས་གླིང་འདུ་སྤྱི་ནས་བཀའ་དྲིན་རྗེས་དྲན་གྱི་བརྟན་བཞུགས་ཕུལ་བ་དང་། ཉིན་རྒྱབ་གུ་རུ་མཚན་བརྒྱད་ཀྱི་འཆམ་དང་གཞས་སྣ་འཁྲབ་སྟོན་བྱས་ཡོད་པ་རེད། ཚེས་༢༦ ཉིན་གྱི་སྔ་དྲོར་མངའ་སྡེའི་སྤྱི་ཁྱབ་བློན་ཆེན་སྐུ་ཞབས་པདྨ་མཁའ་འགྲོ་ཆེད་ཕེབས་ཀྱིས་འོད་དཔག་མེད་ཀྱི་ལྷ་ཁང་དང་། སྒྲོལ་མའི་ལྷ་ཁང་དབུ་འབྱེད་གནང་བ་དང་། གཙུག་ལག་ཁང་དུ་སྣང་གསལ་མར་མེ་ཞལ་ཕྱེ་སོགས་ཆོས་ཕྱོགས་ཀྱི་མཛད་རིམ་ཁག་དང་། དེ་ནས་མི་མང་ལྷན་འཛོམས་ཀྱི་མཛད་སྒོར་ཏི་ཛུ་ས་གནས་འགོ་འཛིན་དོན་གྲུབ་བཟང་པོས་འཚམས་འདྲིའི་གསུང་བཤད་གནང་རྗེས། རྫོགས་ཆེན་དགའ་ནོར་རིན་པོ་ཆེས་མངའ་སྡེའི་སྤྱི་ཁྱབ་བློན་ཆེན་པདྨ་མཁའ་འགྲོ་མཆོག་གིས་དབུས་པའི་བློན་ཆེན་གཞན་རྣམས་དང་། དཔལ་ལྡན་ཚོགས་གཙོ་བཅས་ལ་མཛད་སྒོར་ཕེབས་པར་ཐུགས་རྗེ་ཆེ་ཞུའི་ལེགས་གསོའི་ཕྱག་རྟགས་ཕུལ། དེ་ནས་བླ་མ་བློ་བཟང་དཔལ་འབྱོར་དང་། སྨན་པ་པདྨ་ཚེ་མཚོ་རྣམ་གཉིས་ནས་བོད་དབྱིན་གཉིས་ཀྱི་ཐོག་མཛད་སྒོ་ངོ་སྤྲོད་གནང་གྲུབ་མཚམས། སྤྱི་འཐུས་ཚོགས་གཙོ་དང་། ཨ་རུ་ནཱ་ཅལ་མངའ་སྡེའི་སྒོ་ཕྱུགས་སེམས་ཅན་དང་། རིག་གཞུང་བློན་ཆེན་སྐུ་ཞབས་མོ་ཧི་ཤཱ་ཆའི་(Shri.Mohesh Chai) དེ་བཞིན་མངའ་སྡེའི་སྤྱི་ཁྱབ་བློན་ཆེན་གཞོན་པ་(Shri.Chowna Mein) མངའ་སྡེའི་སྤྱི་ཁྱབ་བློན་ཆེན་སྐུ་ཞབས་པདྨ་མཁའ་འགྲོ་བཅས་ནས་གསུང་བཤད་གནང་བ་དང་། ཏི་ཛུ་ས་འཐུས་ཚོགས་གཙོ་འཆི་མེད་ཚེ་རིང་གིས་ཐུགས་རྗེ་ཆེ་ཞུའི་གསུང་བཤད་གནང་སོང་། ཉིན་རྒྱབ་བཀྲ་ཤིས་རོལ་འཆམ་དང་། ཏི་ཛུ་ས་གནས་གཞིས་ཆགས་ཀྱི་མི་མང་ནས་གཞས་སྣ་འཁྲབ་སྟོན་བྱས་ཡོད་པ་རེད།།

སྤྱི་ཚེས་༢༩་ཉིན་དགོན་ནང་འབྱོར་ཡོད་པའི་གནས་ཚུལ་དུ་རྩོམ་སྒྲིག་པས།

ས་སྐྱ་ཁྲི་ཆེན་རིན་པོ་ཆེ་རྫོགས་དགོན་དུ་ཕེབས།

skya2སྤྱི་ལོ་༢༠༡༧ ཟླ་༤ པའི་ཚེས་༡༩ ཉིན་རྒྱབ་དཔལ་ལྡན་ས་སྐྱ་༧ གོང་མ་ཁྲི་ཆེན་རིན་པོ་ཆེ་མཆོག་ཀོ་ལེ་གྷལ་དོན་ལྡན་གླིང་གཞིས་སྒར་དུ་ཆུབས་བསྒྱུར་གནང་།

Read more...

༧སྐྱབས་རྗེ་རྡོ་གྲུབ་ཆེན་མཆོག་ལ་བརྟན་བཞུགས་ཕུལ།

Dzogchen1
སྤྱི་ལོ་༢༠༡༦ ཟླ་༨ ཚེས་༡༣ དང་། བོད་རབ་རྒྱན་མེ་སྤྲེལ་ལོའི་སྤྲེལ་ཟླའི་ཚེས་༡༠ ཉིན་གྲུབ་ཐོབ་པདྨ་རིག་འཛིན་རྫོགས་ཆེན་རིན་པོ་ཆེ་མཆོག་གི་དབུས་འབྲེལ་ཡོད་རྫོགས་ཆེན་སློབ་འབངས་ནས། ལྷ་སྲས་མུ་རུབ་བཙད་པོའི་རྣམ་སྤྲུལ་ཆེ་བ་དྲུག་ལྡན་སྔ་འགྱུར་རྙིང་མ་བའི་བསྟན་པ་ཡོངས་རྫོགས་ཀྱི་མངའ་བདག །ཁྱད་པར་དཔལ་ཀློང་ཆེན་སྙིང་ཐིག་གི་བསྟན་པའི་སྲོག་ཤིང་པ་ཆེན་པོ་༧ སྐྱབས་རྗེ་རྡོ་གྲུབ་ཆེན་སྐུ་འཕྲེང་བཞི་པ་འཇིགས་མེད་འཕྲིན་ལས་དཔལ་འབར་མཆོག་ལ་བརྟན་བཞུགས་རྒྱས་པ་ཞིག་ཕུལ་འདུག །

Read more...

རང་བསྟན་རྗེས་ལུས་བྱེད་མི་རུང་བ་དྲན་པའི་གསོས་སྨན།



དྲི་བ། འཕགས་ཡུལ་རྫོགས་ཆེན་དགོན་གྱི་མཁན་སྤྲུལ་ལྷན་འཛོམས་འཚོགས་ཐེངས་རིམ་པ་གང་འདྲ་འཚོགས་པ་རེད།
ལན། རེད་ལགས་འཕགས་ཡུལ་རྫོགས་ཆེན་དགོན་ནས་མཁན་སྤྲུལ་བླ་སློབ་ཀྱི་འཚོགས་འདུ་གལ་ཆེན་ཐེངས་གསུམ་འཚོགས་ཡོད་པ་རེད། འཚོགས་ཐེངས་དང་པོ་སྤྱི་ལོ ༡༩༩༧ ལོར་འཚོགས་པ་རེད། སྐབས་དེར་མཁན་ཆེན་པདྨ་ཚེ་དབང་དབུར་བཞུགས་པའི་གནད་ཡོད་མི་སྣ་མང་པོ་ཕེབས་ཡོད་པ་དང། ཉིན་གཉིས་རིང་ལ་འཚོགས་ནས་རང་བསྟན་འཛིན་སྐྱོང་སྤེལ་གསུམ་སྐོར་གྲོས་བསྡུར་བྱེད་ནས་འབྱུང་འགྱུར་བསྟན་པ་འཛིན་སྐྱོང་སྐོར་གྲོས་ཆོད་མང་པོ་བཞག་འདུག དེ་ནས་མི་ལོ་༡༤་ཙམ་གྱི་རིང་ལ་འཚོགས་མི་འདུག

Read more...

དོན་ལྡན་གླིང་དུ་རྫོགས་ཆེན་དགོན་པས་ནང་ཆོས་ངོ་སྤྲོད་བྱས།

ཀོ་ལེ་གྷལ་གཞིས་སྡེ་ལ་གྲུབ་དབང་རྫོགས་ཆེན་དགོན་ཆེན་པའི་མཁན་སློབ་རྣམས་ཀྱིས་ནང་ཆོས་ངོ་སྤྲོད་གནང་བ།

དེ་ཡང་སྤྱི་ནོར་༸གོང་ས་ཆེན་པོ་མཆོག་གི་བཀའ་དགོངས་དང་། ཉེ་ཆར་བོད་ཀྱི་ཆོས་བརྒྱུད་ཆེན་པོ་བཞི་དང་གཡུང་དྲུང་བོན་བཅས་ཀྱི་བཤད་སྒྲུབ་བསྟན་པ་གོང་སྤེལ་ལྷན་ཚོགས་ཀྱི་རེ་འབོད་བཞིན།

Read more...

ཤྲཱི་སེང་མཁན་པོ་ཁྲི་གསོལ་གྱི་མཛད་སྒོ།

     སྤྱི་ལོ་ ༢༠༡༢ ཟླ་ ༡༢ ཚེས་ ༣༡ ཉིན་རྒྱ་གར་ལྷོ་ཕྱོགས་ཀོ་ལེ་གྷལ་དོན་གླིང་གཞིས་ཆགས་སུ་རྟེན་གཞི་བྱས་པའི། གྲུབ་དབང་རྫོགས་ཆེན་དགོན་ཤྲཱིར་སེང་ལས་ཐོག་མཁན་རབས་ ༤ པ་དང་། གཞན་ཡང་ཤྲཱི་སེང་བཤད་གྲྭར་ཐོས་བསམ་སློབ་གཉེར་བྱས་ཟིན་པའི་སློབ་དཔོན་ལྔ་ལ་མཁན་པོའི་མིང་གསོལ་མཛད་སྒོ་ཞིག་འཚོགས་ཡོད་པ་རེད།

Read more...

དགོན་པའི་འཛིན་སྐྱོང་དང་འགན་འཛིན་བརྗེ་ལེན།

  གྲུབ་དབང་རྫོགས་ཆེན་མཁན་སྤྲུལ་ལྷན་འཛོམས་ཐེངས་གསུམ་པའི་སྐབས་འབྲེལ་ཡོད་དགོན་པའི་འགན་ཡོད་བླ་སྤྲུལ་རྣམས་གྲོས་བསྡུར་ཐག་གཅོད་བྱུང་བ་བཞིན་ ༢༠༡༣ ཟླ་ ༡ ཚེས་ ༡ ཉིན་འཕགས་ཡུལ་གྲུབ་དབང་རྫོགས་ཆེན་དགོན་ཨོ་རྒྱན་བསམ་གཏན་ཆོས་གླིང་གི་སྤྱི་ཁྱབ་འཛིན་སྐྱོང་དང་འགན་འཛིན་བརྗེ་ལེན་གྱི་རྩིས་ལེན་རྩིས་སྤྲོད་བྱས་ཡོད་པ་རེད།

Read more...

བཀའ་དྲིན་རྗེས་དྲན་གྱི་བརྟན་བཞུགས།

    སྤྱི་ལོ་ ༢༠༡༢ ཟླ་ ༡༢ པའི་ཚེས་ ༢༩ ཉིན་རྒྱ་གར་ལྷོ་ཕྱོགས་ཀརྣ་ཊ་ཀའི་མངའ་སྡེ། ཅམ་རཱ་ཇཱུ་ན་གྷར་རྫོང་། ཀོ་ལེ་གྷལ་དོན་ལྡན་གླིང་གཞིས་སྤྱི་ཐུན་མོང་དང་། གྲུབ་དབང་རྫོགས་ཆེན་པའི་མཁན་སྤྲུལ་ལྷན་འཛོམས་ཐེངས་གསུམ་པའི་ཚོགས་བཅར་བ་རྣམས་ཀྱིས། གྲུབ་དབང་རྫོགས་ཆེན་ཡིད་བཞིན་ནོར་བུ་ཐུབ་བསྟན་འཇིགས་མེད་བློ་གསལ་དབང་པོ་མཆོག་གི་སྐུ་ཚེ་སྐལ་བརྒྱར་བརྟན་པ་དང་བཀའ་དྲིན་རྗེས་དྲན་གྱི་བརྟན་བཞུགས་རྒྱས་པ་ཞིག་ཕུལ་ཡོད་པ་རེད།

Read more...

རྫོགས་ཆེན་མཁན་སྤྲུལ་ལྷན་འཛོམས་ཐེངས་གསུམ་པ།

    སྤྱི་ལོ་ ༢༠༡༢ ཟླ་ ༡༢ པའི་ཚེས་ ༢༩ ཉིན་རྒྱ་གར་ལྷོ་ཕྱོགས་ཀརྣ་ཊ་ཀའི་མངའ་སྡེ། ཅམ་རཱ་ཇཱུ་ན་གྷར་རྫོང་། ཀོ་ལེ་གྷལ་བོད་མའི་གཞིས་ཆགས་དོན་ལྡན་གླིང་དུ་རྟེན་གཞི་བྱས་པའི། བྱེས་ཀྱི་གྲུབ་དབང་རྫོགས་ཆེན་དགོན་ཨོ་རྒྱན་བསམ་གཏན་ཆོས་གླིང་དུ། སྔ་འགྱུར་གྲུབ་དབང་རྫོགས་ཆེན་པའི་མཁན་སྤྲུལ་ལྷན་འཛོམས་ཐེངས་གསུམ་པ་དངོས་སུ་དབུ་འཛུགས་གནང་ཡོད་པ་རེད།

Read more...

ལས་བྱེད་འཕོ་ལེན་དང་བཀའ་སློབ།

    སྤྱི་ལོ་ ༢༠༡༢ ལོའི་བོད་ཟླ་ ༦ པའི་ཚེས་ ༤ ཉིན་སངས་རྒྱས་བཅོམ་ལྡན་འདས་ཀྱི་ཆོས་འཁོར་བསྐོར་བའི་དུས་ཆེན་གྱི་ཉིན་མོར། གྲུབ་དབང་རྫོགས་ཆེན་ཡིད་བཞིན་ནོར་བུ་དབུར་བཞུགས་ཐོག ཆོས་འཁོར་དུས་ཆེན་ལ་རྗེས་དྲན་གྱི་ཆོས་ཚོགས་ཤིག་འཚོགས་པ་དང་། དགོན་པའི་རྒྱུན་ལས་འཕོ་ལེན་གྱིས་གསལ་བསྒྲགས་ཀྱང་གནང་ཡོད་པ་རེད།

Read more...