ཕྱི་ལོ་  ༢༠༡༧ ཟླ་ ༡༢  ཚེས་ ༡༨ གཟའ་ཟླ་བ།

རྫོགས་ཆེན་པ།

འཇུ་མི་ཕམ་ཕྱོགས་ལས་རྣམ་རྒྱལ།

འཇམ་མགོན་མི་ཕམ་རྣམ་རྒྱལ་རྒྱ་མཚོ་མཆོག་ནི།
རང་བྱུང་བཅུ་བཞི་པའི་མེ་རྟ་སྤྱི་ལོ ༡༨༤༦ ལོར་རྫ་ཆུ་ཁར་ཡབ་འཇུ་མགོན་པོ་དར་རྒྱས་དང་། ཡུམ་སྲིང་ཆུང་མའི་སྲས་སུ་སྐུ་འཁྲུངས། མདོ་སྔགས་རིག་གནས་དང་བཅས་པར་མཁྱེན་རབ་ཀྱི་རྩལ་འབར་ཞིང་གསར་རྙིང་མཁས་གྲུབ་ཀུན་གྱི་ཡང་རྩེར་སོན།

སྒྲ་སྙན་སྨན་རྩིས་སོགས་ཐུན་མོང་དང་། མདོ་རྒྱུད་གཞུང་འགྲེལ་སོགས་ཐུན་མིན་ནང་དོན་རིག་པའི་སྐོར་བཅས་གསུང་འབུམ་པོད་ཆེན་སོ་གཉིས་མཛད། དེ་དུས་ཀྱི་མཁས་པར་གྲགས་པ་ཀུན་རིགས་པས་ཚར་བཅད་ཅིང་གསང་ཆེན་སྔ་འགྱུར་བའི་བསྟན་པའི་དར་ཆེན་དགུང་ལ་ཕྱར་བས་སྙན་པའི་གྲགས་པ་ས་ཆེན་ཀུན་ཏུ་ཁྱབ། རང་བྱུང་བཅོ་ལྔ་པའི་ཆུ་བྱི་སྤྱི་ལོ ༡༩༡༢ ལོར་དགོངས་པ་མྱ་ངན་ལས་འདས།
པད་མའི་རང་མདངས་ལས་བཏུས།མི་འགྱང་བར་རྣམ་ཐར་རྒྱས་འགོད་ངེས་པ་བཅས་དགོངས་འཇགས་འཚལ།