ཕྱི་ལོ་  ༢༠༡༨ ཟླ་ ༡  ཚེས་ ༢༡ གཟའ་ཉི་མ།

འཇམ་དབྱངས་ལུང་རིག་རྒྱ་མཚོ་ནི།

ཡབ་ནགས་རྟ་འཇིགས་ཚེ་དང་། ཡུམ་རྒྱ་བཟའ་འབའ་ལོ་གཉིས་ཀྱི་སྲས་སུ་རབ་བྱུང་བཅུ་དྲུག་པའི་ལྕགས་འབྲུག་༼༡༩༤༠ ༢༠༠༣༽ལོར་རྒྱ་བླ་བྲང་དུ་སྐུ་འཁྲུངས།

སྐུ་ན་ཆུང་དུས་ནས་ཡི་གེ་ཀློག་འདོན་སྦྱངས། དགུང་གྲངས་བཅུ་སྐོར་དུས་རྡོ་གྲུབ་བཞི་པ་ཐུབ་བསྟན་ཕྲིན་ལས་དཔལ་བཟང་མཆོག་གིས་གྲུབ་ཆེན་དགོན་གྱི་བླ་མ་ཞིག་གི་ཡང་སྤྲུལ་ཡིན་པར་གསུངས་ནས་སྐུ་བདག་མཛད་དེ་གྲུབ་ཆེན་དུ་ཁྲིད། དེ་ནས་རྡོ་གྲུབ་དང་ལྷན་དུ་རྫོགས་ཆེན་ཨོ་རྒྱན་བསམ་གཏན་ཆོས་གླིང་། རྒྱལ་རོང་རྟག་བརྟན་རྣམ་རྒྱལ་གླིང་། ཞེ་ཆེན་བརྟན་གཉིས་དར་རྒྱས་གླིང་། རྫོང་སར་བཀྲ་ཤིས་ལྷ་རྩེ་སོགས་སུ་ཕེབས་ཏེ། འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས། རྒྱལ་རོང་ནམ་སྤྲུལ་འགྲོ་འདུལ་གར་གྱི་རྡོ་རྗེ། ཞེ་ཆེན་ཀོང་སྤྲུལ་པདྨ་དྲི་མེད་ལེགས་པའི་བློ་གྲོས། རྫོགས་སྤྲུལ་དྲུག་པ་འཇིགས་བྲལ་བྱང་ཆུབ་རྡོ་རྗེ། ཡོངས་འཛིན་འཇིགས་མེད་ཡོན་ཏན་མགོན་པོ། མཁན་ཆེན་ཐུབ་བསྟན་སྙན་གྲགས་སོགས་ལས་སྔ་འགྱུར་བཀའ་མ། རིན་ཆེན་གཏེར་མཛོད། བཀའ་དགོངས་ཕུར་གསུམ། སྙིང་ཐིག་གོང་འོག གྲོལ་ཐིག་སྨིན་གཏེར། བྱང་གཏེར་སྐོར། བཀའ་བརྒྱུད་སྔགས་མཛོད། གསང་བདེ་འཇིགས་གསུམ། དུས་འཁོར་དབང་ཆེན་སོགས་སྨིན་གྲོལ་རྒྱབ་བརྟེན་དང་བཅས་པས་ཐུགས་ཀྱི་བུམ་བཟང་ཡོངས་སུ་གཏམས། གཙང་ཆེན་དངོས་གྲུབ་དཔལ་འབར་གླིང་དུ་རྡོ་གྲུབ་ཆེན་རིན་པོ་ཆེ་ལས་བླ་མ་དགོངས་འདུས་ཀྱི་དབང་ལུང་། སྔ་འགྱུར་བཀའ་མའི་ཆོས་སྐོར། རིན་ཆེན་གཏེར་མཛོད་ཆེན་མོ་སྔ་ཕྱིར་ལན་གཉིས་སོགས་མནོས། དུས་འགྱུར་ཀྱི་འཚུབ་མ་ལྡང་ལ་ཉེ་སྐབས་རྡོ་གྲུབ་རིན་པོ་ཆེ་སྐུ་འཁོར་དང་ལྷན་དུ་དབུས་གཙང་དུ་བྱོལ་ཞིང་འཕགས་ཡུལ་དུ་ཕེབས་འཆར་ལ། ཅ་དངོས་ཞིག་གི་ཆེད་དུ་ཕྱིར་མདོ་ཁམས་སུ་ཕེབས་སྐབས་རྒྱ་དམག་གིས་འཛིན་བཟུང་བྱས། གཡུ་ཁོག་ཏུ་མནར་གཅོད་དང་རྡེག་འཚོག་ཚད་མེད་ཐེབས། བསྟན་པ་ཡང་དར་གྱི་དུས་སུ་བསྟན་འཛིན་གྱི་སྐྱེས་བུ་གཞན་དག་དང་ལྷན་དུ་གདན་ས་བསྐྱར་གསོའི་ཕྱག་ལས་ལ་ཞུགས་ཤིང་། གཡུ་ཁོག་བྱ་བྲལ་བའི་ཡང་སྤྲུལ་མཉམ་མེད་རང་བྱུང་རྡོ་རྗེས་རྒྱལ་ཚབ་བསྟན་བདག་གམ་གདན་རབས་བཅུ་པར་མངའ་གསོལ། རྡོ་གྲུབ་བསྟན་པའི་ཉི་མ་ལས་སྙིང་ཐིག་པོད་གཉིས། རྫོགས་ཆེན་ཀུན་བཟང་སྤྲུལ་སྐུ་ལས་ཞི་ཁྲོ་འཕྲད་ཚད་རང་གྲོལ། ཁྱབ་བདག་པདྨ་སྐལ་བཟང་ལས་འདུས་པ་མདོ་དབང་། ནགས་འདབས་བླ་མ་རིག་འཛིན་རྒྱ་མཚོ་ལས་རྒྱ་སྤྲུལ་གཏེར་ཆོས་ཡོངས་རྫོགས་ཀྱི་སྨིན་གྲོལ་མནོས། གར་དབང་རྒྱལ་མཆོག་གླིང་པ་དང་། རྡོ་གྲུབ་རིན་པོ་ཆེར་ཐུགས་བརྟགས་བརྒྱུད་རྒྱ་སྤྲུལ་ལུང་རིག་གླིང་པའི་སྐུ་ཕྲེང་གསུམ་པ་ལུང་རྟོགས་ཆོས་ཀྱི་ཉི་མ་ངོས་འཛིན་དང་བཅས་བསྟན་པའི་བདག་པོར་མངའ་གསོལ། དགུང་གྲངས་རེ་བཞི་བཞེས་པ་ཆུ་ལུག་སྣྲོན་ཟླའི་ཡར་ཚེས་གཉིས་ཉིན་ཞི་བར་གཤེགས་སོ།།

གཡུ་ཁོག་ཡི་དམ་རྡོ་རྗེས་བྲིས་པའི་མདོ་ཁམས་གཡུ་ཁོག་ཡུལ་གྱི་ཆོས་སྲིད་ཀྱི་བྱུང་བ་བརྗོད་པ་ལོ་རྒྱུས་ཐོར་བུའི་བང་སོ་དེབ་གཟུགས་ཅན། ལྡེབ་ངོས་135 ནས་ 137 བར།

 

ཤར་མི་ཉག་པ།རྫོགས་ཆེན་མཁན་པོ་འཇམ་དཔལ་བསྟན་འཛིན་ནས་བསྒྲིགས།

མཉམ་མེད་རང་བྱུང་རྡོ་རྗེ་ནི།

ཡབ་ལྷ་རྩེ་ཀུན་ལོ་དང་། མ་ཡུམ་ལྷ་ལྕམ་གཉིས་ཀྱི་སྲས་སུ་རབ་བྱུང་བཅུ་དྲུག་པའི་ཤིང་ཕོ་རྟའི་ལོའི་ཧོར་ཟླ་དགུ་པའི་ཡར་ཚེས་བཅུ་གསུམ་༼༡༩༥༤་༡༠་༠༢༽ཉིན་གསེར་ལྷ་རྩེའི་ཆུ་ཕྱར་རི་ཁྲོད་དུ་སྐུ་བལྟམས།

Read more...

རྒྱ་བླ་མ་ཐུབ་བསྟན་རང་བྱུང་ནི།

ཡབ་ནགས་རྟ་འཇིགས་ཚེ་དང་། ཡུམ་རྒྱ་བཟའ་འབའ་ལོ་གཉིས་ཀྱི་སྲས་སུ་རབ་བྱུང་བཅུ་དྲུག་པའི་ས་རྟ་༼༡༩༡༨ ༡༩༥༩༽ལོར་རྒྱ་བླ་བྲང་དུ་སྐུ་འཁྲུངས།

Read more...

རྒྱ་ཆོས་རིས་ཐུབ་བསྟན་བྱང་ཆུབ་རྡོ་རྗེ་ནི།

རབ་བྱུང་བཅོ་ལྔ་པའི་ཤིང་འབྲུག་༼༡༩༠༤ ༡༩༥༩༽ལོར་ཡབ་གྲུབ་པའི་དབང་ཕྱུག་རྒྱ་ལྷ་མོ་ཚེ་རིང་དང་། ཡུམ་གཏོ་ཕུག་བཟའ་ཁུས་མོ་གཉིས་ཀྱི་སྲས་སུ་རྒྱ་བླ་བྲང་དུ་སྐུ་འཁྲུངས།

Read more...

དཔོན་བླ་དགེ་འདུན་རྒྱ་མཚོ་ནི།

ཡབ་ཧོར་སྲས་བསོད་ནམས་དབང་འདུས་དང་། ཡུམ་གཡུ་མཚོ་གཉིས་ཀྱི་སྲས་སུ་རབ་བྱུང་བཅུ་བཞི་པའི་ལྕགས་སྤྲེལ་༼༡༨༦༠ ༡༩༢༨༽ལོར་སྐུ་འཁྲུངས།

Read more...

རྒྱ་བླ་མ་རིག་འཛིན་རྣམ་རྒྱལ་ནི།

རབ་བྱུང་བཅོ་ལྔ་པའི་ནང་རྒྱ་བླ་བྲང་དུ་ལྷ་མོ་ཚེ་རིང་དང་ཡབ་ཡུམ་གཅིག་པར་འཁྲུངས། ཡོངས་གྲགས་སུ་དབོན་པོ་རིག་ཐོ་ཞེས་མཚན་དུ་འབོད།

Read more...

རྒྱ་བླ་མ་རིག་འཛིན་རྣམ་རྒྱལ་ནི།

རབ་བྱུང་བཅོ་ལྔ་པའི་ནང་རྒྱ་བླ་བྲང་དུ་ལྷ་མོ་ཚེ་རིང་དང་ཡབ་ཡུམ་གཅིག་པར་འཁྲུངས། ཡོངས་གྲགས་སུ་དབོན་པོ་རིག་ཐོ་ཞེས་མཚན་དུ་འབོད།

Read more...

དབོན་རིན་པོ་ཆེ་ལྷ་མོ་ཚེ་རིང་ནི།

རབ་བྱུང་བཅུ་བཞི་པའི་མཇུག་ཙམ་ལ་རྒྱ་བླ་བྲང་དུ་རིག་འཛིན་ལུང་རིག་གླིང་པའི་སྐུ་མཆེད་རྒྱ་འཛིན་མེད་ཀྱི་སྲས་སུ་འཁྲུངས།

Read more...

རིག་འཛིན་ལུང་རིག་གླིང་པ་ལུང་རྟོགས་བསྟན་པའི་ཉི་མ་ནི།

བཀའ་གཏེར་དུ་མ་ནས་ལུང་གིས་ཟིན་ཅིང་མདོ་མཁྱེན་བརྩེས་བྱིན་གྱིས་བརླབས་པའི་སྲས་སུ་གྲགས་པ་གང་ཉིད་ཡབ་དད་དམ་ནོར་གྱིས་ཕྱུག་པ་མ་ཧཱ་ཙི་ནའི་རིགས་ཆན་ཏཱ་དང་། ཡུམ་ཨ་འཛི་བཟའ་གཉིས་ཀྱི་སྲས་སུ་རབ་བྱུང་བཅུ་བཞི་པའི་མེ་བྱ་༼༡༨༣༧ ༡༨༩༨༽ལོར་

Read more...

རྫོགས་ཆེན་གང་ལས་བྱུང་བའི་ཆོས་བརྒྱུད་བཤད་པ།

   དུས་གསུམ་སངས་རྒྱས་ཐམས་ཅད་ཀྱི་ཐུགས་ཀྱི་ཉིང་ཁུ། གསང་ཆེན་རྡོ་རྗེ་ཐེག་པའི་ལྷ་བའི་ཞེ་ཕུག བཀའ་གསང་བ་བས་ཀྱང་ཆེས་གསང་བ། ཡང་གསང་བླ་ན་མེད་པ་མན་ངག་རྫོགས་པ་ཆེན་པོ་ནི་གང་ལས་བྱུང་བའི་ཆོས་བརྒྱུད་ཡིན་ལ། དེ་ཇི་ལྟར་བརྒྱུད་ཚུལ་ནི།

Read more...

གཡུ་མཁར་དགོན་པའི་བླ་སྤྲུལ་རྣམ་ཐར།

བསྟན་འཛིན་སྐྱེས་བུ་རྣམས་ཀྱི་རྣམ་ཐར་བཤད་པ་ལ་གདན་རབས་གསེར་རིའི་ཕྲེང་བ། མཁན་རབས་ནོར་བུའི་ཕྲེང་བ། བསྟན་འཛིན་རྒྱུ་སྐར་ཕྲེང་བའི་རྣམ་ཐར་བཤད་པ་དང་གསུམ། དང་པོ་ལ། གདན་རབས་དང་པོ་རྒྱལ་སྲས་གཞན་ཕན་མཐའ་ཡས་ནི། བླ་མ་དགོངས་པ་འདུས་པའི་ལུང་བསྟན་ལས། ནུབ་ནས་དམར་སེར་པདྨ་འཁྲིགས་འདྲ་བའིཿ སྒྲིབ་མེད་སྒྲུབ་ཚུགས་འཛིན་པའི་སློབ་མ་འབྱུངཿ ཞེས་རྡོ་གྲུབ་ཆེན་གྱི་སློབ་མ་རྡོ་རྗེའི་གདུང་བཞིའི་ནང་ཚན་དུ་ལུང་གིས་ཟིན་པའི་སྐྱེས་བུ་ཆེན་པོ་རང་བྱུང་རིག་པའི་རྡོ་རྗེ་གང་ཉིད་ནི།

Read more...