ཕྱི་ལོ་  ༢༠༡༨ ཟླ་ ༡  ཚེས་ ༢༡ གཟའ་ཉི་མ།

ཐུབ་བསྟན་བཤད་སྒྲུབ་དར་རྒྱས་ནི།

ཡབ་འབའ་ཡའི་བུ་བཛྲའི་མིང་ཅན་དང་ཡུམ་སྐལ་ལྷ་གཉིས་ཀྱི་སྲས་སུ་སྤྱི་ལོ་༡༩༡༤ལོར་སྐུ་འཁྲུངས།

 

རྫོགས་ཆེན་རིན་པོ་ཆེ་ཐུབ་བསྟན་ཆོས་ཀྱི་རྡོ་རྗེ་དང་།འཇམ་དབྱངས་མཁྱེན་བརྩེ་དབང་པོ་གཉིས་ཀྱིས་སྐུ་གོང་མ་དབང་དྲག་རོལ་བ་རྩལ་གྱི་སྐུ་སྐྱེ་འཁྲུལ་མེད་ཡིན་པའི་ལུང་བསྟན་རྣམས་དང་མཐུན་པར་མཛད་ཅིང་།དགོན་འདིའི་གསེར་ཁྲིར་མངའ་གསོལ་ཏེ་སྤྲུལ་སྐུ་སྐུ་ཆེན་འཇམ་དབྱངས་ཀྱིས་མཚན་བཤད་སྒྲུབ་དར་རྒྱས་གསོལ།དེ་ནས་གཡག་ཟའི་བླ་བྲང་ལ་ཞབས་བཀོད་གནང་ཞིང་དགུང་ལོ་ལྔའི་ཐོག་མཁའ་ཚེ་དབང་འགྱུར་མེད་ཀྱིས་ཡོངས་འཛིན་འཛད་དེ་འབྲི་ཀློག་བསླབ་པ་ཚེགས་མེད་དུ་མཁྱེན།དེ་ནས་དགོན་པའི་ཆོ་ག་ཕྱག་ལེན་དང་ཐིག་རྡུལ་མཚོན་འཆམ་གར་སྟབས་བཅས་ཕུལ་དུ་ཕྱིན་པ་བྱུང་།རྗེ་འདིའི་གཙོ་བོ་བླ་མ་ནི་མཁན་ཚེ་དབང་འགྱུར་མེད་དང་།རྫོགས་ཆེན་ཐུབ་བསྟན་ཆོས་རྡོར།བླ་མ་རྣམ་རྒྱལ།རྒྱ་རོང་ཀུན་བཟང་ཐེག་མཆོག་རྡོ་རྗེ།མཆོག་སྤྲུལ་འཇམ་དབྱངས།ཨོ་རྒྱན་ཐེག་མཆོག་གླིང་བ།དབོན་སྤྲུལ་བསྟན་པའི་ཉི་མ། མཁའ་འགྲོ་བདེ་ཆེན་དབང་མོ་བཅས་ལ་བསྟེན་ཏེ་སྙིང་ཏིག་སྐོར་དང་།ཀློང་ཆེན་མཛོད་བདུན།དུམ་གཉིས་དང་ཡ་བཞི།ངལ་གསོ་སྐོར་གསུམ།འཇིགས་གླིང་པོད་དགུ།ཉི་གྲགས་དུམ་དགུ།པདྨ་རྒྱལ་པོའི་སྐོར།ངེས་དོན་འོད་གསལ་བསྟན་འཛིན་གྱི་དག་སྣང་ཟབ་ཆོས་སྐོར།སྐྱབས་མགོན་མཁྱེན་བརྩེའི་འཛིན་གྲོལ་དང་།ཆོས་སྒྲུང་།གསུང་སྐོར།ཆགས་མེད་དཀར་གཅོད།ནམ་མཁའ་འཇིགས་མེད་ཀྱི་གཅོད་སྐོར།རྡོ་གྲུབ་ཀྱི་གཅོད་སྐོར།ཁྲོ་ཤུལ་དག་སྣང་།འབད་མེད་བཞི་གྲོལ་རྩལ་གྱི་དག་སྣང་སྐོར་བཅས་རྗེ་ཉིད་ཀྱིས་གསན་ཡིག་ལས་གསལ་བས་

དེ་དག་གི་དབང་ལུང་ཁྲིད་མན་ངག་བཅས་ཟབ་རྒྱས་ནོད།གཞན་ཡང་བཀའ་དགོངས་ཕུར་སེང་དང་།མདོ་སྒྱུད་སེམས་སོགས་རྙིང་རྒྱུད

་སྐོར་གསན་བསམ་རྒྱས་པ་མཛད།བཤད་གྲྭའི་འདུ་ཁང་།སྒྲུབ་གྲྭའི་འདུ་ཁང་སོགས་གསར་བཞེངས་དང་རྒྱུན་བཞུགས་ཀྱི

་བླ་གྲྭ་ལ་ཟླ་ཕོག་གནང་བ་དང་།བཤད་གྲྭའི་མཁན་པོ་ལའང་ཕོག་རྒྱག་མཛད།དཔྱིད་ཀར་ཟླ་གཅིག་ལ་འདོན་གདངས་དབྱངས་འཆམ་གར་ཐིག་

བཅའ་འབུད་དཀྲོལ་བྱས་རྗེས་རྒྱུགས་ལེན་དང་དཔེ་རྒྱན་བྱ་དགའ་བཅས་ཕུལ།ངན་པ་དང་མ་རབས་ལ་ཆད་པ་བཅད་པ་སོགས་ཀྱིས་དགོན་

གཞུང་གི་སྒྲིག་ཞེས་བཙན་པོ་ཡིན་པའི་ཚད་འཇོག་སར་བྱེད།ཉིད་ཀྱིས་གསུང་ཆོས་སྐོར་ནི་མ་འོངས་བསྟན་དང་།ཐུགས་རྗེ་ཆེན་པོ་དུམ་གཉིས།མནྡཱ་ར་བ།གཟའ།ཕུར་བ་རྒྱུན་ཁྱེར་སོགས་དང་།གེ་སར་སྒྲུང་ཡིག་ལས་བདུད་ཨ་ཡན་སྙན་ར་རྒྱལ་པོ་བཏུལ་ཐབས་སོགས་བབ་གཏེར་དང་།གཞན་ཡང་གཏེར་མའི་སྐོར་ཛམ་བྷ་ལྷ་དང་བུ་གཉིས་སོགས་ཡོད་པ་དུས་དབང་གིས་བརླགས་ཤོར་བ་རྗེ་ཉིད་ཀྱི་རིགས་མ་གསང་སྔགས་དབང་མོའི་ཞལ་རྒྱུན་ལྟར་བྲིས།མཐར་སྤྱི་ལོ་༡༩༥༨ སྐུ་ཆོས་དབྱིངས་སུ་གཤེགས་སོ།།

ཡོངས་ཁུང་གཡག་ཟེ་དགོན་པའི་ལོ་རྒྱུས་བསྡུས་པ་བདེན་གཏམ་རྣ་བའི་གླིང་བུ་ལས་ཤོག་གྲངས་༢༥་ནས་༢༦་པར།

ཤར་མི་ཉག་པ། རྫོགས་ཆེན་མཁན་པོ་འཇམ་དཔལ་བསྟན་འཛིན་ནས་བཏུས།

ཨོ་རྒྱན་རྒྱ་མཚོ་ནི།

གཡག་སྡེ་བྱེ་མ་ཞེས་པའི་ས་ཆར་གཡག་སྡེ་པཎ་ཆེན་དང་རུས་ཁྱིམ་གཅིག་པར་སྤྱི་ལོ་༡༦༣༨་ལོར་སྐུ་འཁྲུངས།

 

ཆུང་མིང་ལ་བྱམས་པ་ལྷུན་གྲུབ་དང་བསྡུས་མིང་གཡག་བྱམས་ཞེས་གྲགས།མཚན་གི་རྣམ་གྲངས་ལ།         བྱམས་པ་ལྷུན་གྲུབ།གཡག་བྱམས་སོགས་འབོད།

གྲུབ་དབང་རྫོགས་ཆེན་པ་དང་མཇལ་ནས་བཅོས་མིན་གྱི་མོས་གུས་འཁྲུངས་བ་ལྟར་གཙུག་ཕུད་ཕུལ་ནས་རབ་བྱུང་གི་སྡོམ་པ་བཞེས་པའི་མཚན་ལ་ཨོ་རྒྱན་རྒྱ་མཚོ་གསོལ།དེ་ནས་ཞེ་ཆེན་རབ་འབྱམས་ལས་ཐོས་པའི་སྒྲོ་འདོགས་བཅད་ཅིང་རྫོགས་ཆེན་པ་དབུས་སུ་ཕེབས་པ་དང་མཇལ་ནས་བསྙེན་རྫོགས་དང་ཟབ་ཆོས་དུ་མ་ནོད།དེ་ནས་རྡོ་བྲག་དང་སྨིན་གླིང་སོགས་སུ་ཕེབས་ནས་སྨིན་གླིང་གཏེར་ཆོས་ཡོངས་རྫོགས་དང་བྱང་པ་བཀའ་བརྒྱད་སོགས་དབང་ལུང་གསན།རྒྱལ་དབང་ལྔ་བའི་མདུན་ནས་ཟབ་ཆོས་ཀྱི་གདམས་པ་མང་དུ་ཞུས།སླར་ཡང་རྫོགས་ཆེན་རིན་པོ་ཆེ་ལས་སྙིང་ཐིག་གི་ཟབ་ཁྲིད་དང་དབང་ལུང་མན་ངག་སྐོར་དུ་མ་གསན་ནས་སྔར་མེད་ཀྱི་རྟོགས་པ་རྒྱུད་ལ་འཁྲུངས།དེ་ནས་གཏེར་ཆེན་རིག་འཛིན་ཉི་མ་གྲགས་པ་དང་རྫོགས་ཆེན་དཔོན་སློབ་ཟུང་གི་མདུན་ནས་གཏེར་གསར་དབང་ལུང་ཁྲིད་མན་ངག་དང་བཅས་བུམ་པ་གང་བྱོས་ཀྱི་ཚུལ་དུ་གསན་ཅིང་རྟོགས་རྒྱུགས་ཕུལ་ནས་ཐུགས་གྱེས་པ་ཆེན་པོ་མཛད།གཏེར་ཆེན་ཉི་མ་གྲགས་པས་ཆོས་བདག

་ཏུ་མངའ་གསོལ།པོན་འབུམ་སྐྱབས་ཀྱིས་ཞབས་སྤྱི་བོར་བླངས་ཏེ་ཐུན་མིན་གྱི་བླ་མ་བསྟན་པའི་སྦྱིན་བདག་གི་མཐུན་རྐྱེན་ལ་ལྷ་སྡེ་ཕུལ།

སྤྱི་ལོ{1687}ཐེག་མཆོག་འགྲོ་འདུལ་གླིང་གི་སྒྲུབ་སྡེ་གསར་དུ་བཏབ་པས་ཡིད་ལྷུང་དགོན་གཅིིག་ཞེས་གྲགས་པ་དེ་དུས་བྱུང་།འོག་མིན་ཨོ་རྒྱན་སྨིན་གྲོལ་གླིང་གི་ཆོ་ག་ཕྱག་ལེན་དང་།ག་རྡུལ་མཚོན་འདོན་གྱེར་དབྱངས་འབུད་བརྡུངས་བཀྲོལ

་གསུམ་སོགས་སྒྲིག་ལམ་དང་།གཏེར་སྟོན་རིག་འཛིན་ཉི་མ་གྲགས་པའི་སྒྲུབ་སྐོར་བཅས་ཡུལ་དགོན་སྤྱིའི་རིམ་གྲོ་སོགས་གྱུར།སྡོམ་རྒྱུན་ཡང་གྲུབ་དབང་པདྨ་རིག་འཛིན་ནས་བརྒྱུད།ཡུལ་སྡེ་སྤྱི་ལ་མ་ཎི་དང་སིདྡྷི་སྨྱུང་གནས་སོགས་ཀྱིས་དགེ་བསྐུལ་དང་བསྟན་པའི་

སྒོར་ཞུགས་རྣམས་ཡི་གེ་འབྲི་ཀློག་ནས་ཆོ་ག་ཕྱག་ལེན་དཔེ་ཆ་སློབ་གཉེར་སོགས་མཛད།མཆོག་གི་སློབ་མ། གཙོ་བོ་རྟ་མགྲིན་འབུམ་དང་། སྲས་པདྨ་དབང་ཕྱུག་དང་།པདྨ་མདོ་དང་།དཔོན་འབུམ་སྐྱབས།བློན་ཚེ་བརྟན།ཚེ་དབང་ལྷུན་གྲུབ་སོགས་བྱུང་།བླ་མ་སངས་རྒྱས་མཐོང་བའི་མོས་གུས་སྐྱེ།རྟོགས་པ་བོག་ཐོན།སྣང་བ་ཐམས་ཅད་རང་སྣང་རིས་མེད་དུ་ཤར།ལྷས་ངན་གཡང་དུ་ཁུགབར་ཆད་དངོས་གྲུབ་ཏུ་ལོན།སྣང་སྲིད་ཐམས་ཅད་དག་པ་རབ་འབྱམས་འབའ་ཞིག་ཤར་ནས་རྩ་གསུམ་

ལྷག་ལྷ་རྣམས་དངོས་ཉམས་དང་རྨི་ལམ་སོགས་སུ་མཇལ།སྣང་སྲིད་དྲེགས་ཚོགས་ཐམས་ཅད་བྲན་དུ་ཁོལ་ཞིང་ཅི་བགྱིས་ཀྱི་ལས་རྣམས་ངང

་གིས་འདུ་བས་ཕྲིན་ལས་མཐར་རུ་ཕྱིན་གྱིས་གཟུགས་སྐུའི་བཀོད་པ་ཆོས་ཀྱི་དབྱིངས་སུ་ཐིམ་པར་མཛད་དོ།

ཡོངས་ཁུང་གཡག་ཟེ་དགོན་པའི་ལོ་རྒྱུས་བསྡུས་པ་བདེན་གཏམ་རྣ་བའི་གླིང་བུ་ལས་ཤོག་གྲངས་༢༥་ནས་༢༧་པར།

ཡབ་ཡུམ་དང་འདས་ལོ་མི་གསལ།

ཤར་མི་ཉག་པ། རྫཽགས་ཆེན་མཁན་པོ་འཇམ་དཔལ་བསྟན་འཛིན་ནས་བཏུས།

ལྷོ་བ་སྤྲུལ་སྐུ་བླ་མ་དཔལ་ཆོས་ནི།

རྒྱ་སྐོང་པདྨ་དོན་འགྲུབ་དང་ཡུམ་སྤྲང་རུའི་ཚེ་རིང་གཡང་མཚོ་གཉིས་ཀྱི་སྲས་སུ་སྤྱི་ལོ་༡༨༢༧་ལོར་སྐུ་འཁྲུངས།

 

དགུང་ལོ་དྲུག་བཞེས་དུས་གཡག་ཟེའི་བླ་མ་བསོད་ནམས་ནོར་བུ་ལ་གཙུག་ཕུད་ཕུལ་ཏེ་གཡག་ཟེ་དགོན་དུ་གྲྭ་སར་ཞུགས་ཏེ་ཡི་གེ་འབྲི་སློབ་མཛད་སྐབས་ཚེགས་མེད་དུ་མཁྱེན།དེ་ནས་མདོ་མཁྱེན་བརྩེ་དང་།རྫོགས་ཆེན་མཁན་པོ་པདྨ་བཛྲ།རྫ་མཚམས་པ་འཇིགས་མེད་རྒྱལ་བའི་མྱུ་གུདཔལ་སྤྲུལ་འཇིགས་མེད་ཆེས་ཀྱི་དབང་པོ།མི་འགྱུར་ནམ་མཁའི་རྡོ་རྗེ་སོགས་ལས་སྔོན་འགྲོ་བློ་སྦྱོང་ནས་འབུམ་ལྔ་བསགས་སྦྱངས་མཛད་དེ་ཐུགས་རྩེའི་དགྱེས་བསྐྱངས་ཀྱིས་སྨིན་གྲོལ་དབང་ལུང་མན་ངག་གི་གདམས་ཁྲིད་ཟབ་མོ་བུམ་པ་གང་བྱོས་སུ་བསྩལ་གནང་མཛད།ཁྱད་པར་དུ་ཀློང་ཆེན་སྙིང་ཐིག་གི་གདམས་ཁྲིད་སོགས་གསན་ནས་ཆོས་ཕྱིར་དཀའ་སྤྱད་དྲག་པོས་རྒྱལ་བ་གོང་མའི་རྗེས་སུ་བསྙེགས་ཏེ་གཡག་ཟེའི་རི་ཁྲོད་དང་ཁྲོ་ཁོག་མཚོ་སྐམ་གངས་ཁྲོད་བཅས་ལ་སྒྲུབ་པའི་རྒྱལ་མཚན་མཛད་དེ་ཡུན་རིང་པོར་སངས་རྒྱས་འོད་དཔག་མེད་ཀྱི་བསྙོན་པ་ཨ་མི་དྷེ་ཝ་དུང་བདུན་བསྙེན་ཅིང་བཞུགས་པས་རིག་པ་ཚད་ཕེབས་ཀྱི་ས་ལ་ཕྱིན།སྒྲུབ་བརྩོན་དཔལ་ལྡན་སྦྱིན་པ་བཟང་པོ་ལས་བསྙེན་རྫོགས་ཀྱི་སྡོམ་པ་བཞེས་ཏེ་ཉེས་ལྟུང་གི་ཆ་ཕྲ་མོའི་ཀྱང་མ་གོས་པ་བཞུགས།གཡག་ཟེའི་མཆོག་སྤྲུལ་རྣམ་གཉིས་ལས་བཀའ་གཏེར་ཟབ་མོའི་སྨིན་གྲོལ་གྱི་དབང་ལུང་མ་ལུས་པ་ནོད།རྒྱལ་སྲས་གཞན་ཕན་མཐའ་ཡས་ལས་བཀའ་བསྟན་གྱི་ལུང་རྒྱུན་དང་སྔ་འགྱུར་རྙིང་མའི་རྒྱུད་རྒྱལ་གསང་འགྲེལ་གྱི་བཤད་རྒྱུན་འཁྲུལ་མེད་གསན།དེ་ལྟར་རིམ་མེད་ཀྱི་སྒྲུབ་རྒྱུད་ཤིང་རྟ་བརྒྱད་ཀྱི་མཁས་དཔང་རྣམས་ལས་མན་ངག་ཆོས་ཚུལ་མཐའ་དག་གསན་བཞེས་མཛད་དེ་རྣམ་གཡེང་དང་ཕྱི་བཤོལ་གྱི་དབང་དུ་མ་སོང་བར་སྐུ་ཚེ་དགེ་བར་གཞོལ་ནས་བསྐྱེད་རྫོགས་ལྟ་སྒོམ་གྱི་ཉམས་ལེན་ལ་བསླབ།བསྙེན་སྒྲུབ་ཏིང་འཛིན་གྱི་རྣལ་འབྱོར་ལས་མི་འདའ་བར་ལྟ་བའི་ཕུ་ཐག་ཆོད་དེ་ཆོས་ཉིད་ཟད་སར་འཁྱོལ།སྒོམ་པ་ཀློང་དུ་གྱུར་ནས་འོད་གསལ་གཡོ་འགུལ་དང་བྲལ།སྤྱོད་པ་ཚད་དུ་ཕྱིན་ནས་ཚོགས་དྲུག་རང་སར་གྲོལ་ཏེ་སྒྲུབ་གནས་གཉན་པོ་རྣམས་སུ་ཐུགས་དམ་གྱི་བོགས་འདོན་ཕྱིར་གཉན་ས་གཅོད།དད་ལྡན་གདུལ་བྱའི་རིགས་རྣམས་ལ་ཆོས་སྦྱིན་གནང་ཡུལ་ཧོ་རའི་གཏེར་སྟོན་འཛིན་པ་འགྱུར་མེད་དང་།ཁྲོ་བླ་མ་དཔལ་ལྡན།ལྷ་བཟོ་རྣམ་རྒྱལ།བླ་མ་ནོར་བུ་བཟང་པོ་སོགས་མཁས་བཙུན་གཉིས་ལྡན་གྱི་སྐྱེས་བུ་དུ་མ་ཞིག་ལ་སྨིན་གྲོལ་ཟབ་ཆོས་བསྩལ།

གྲུབ་རྟགས་ཀྱང་སྤྱིར་ཡི་དམ་ལྷག་ལྷ་དང་།ཁྱད་པར་དུ་བཻ་རོ་ཙ་ན་ཞལ་གཟིགས་དངོས་གྲུབ་ཐོབ་སྟེ་ཡེ་ཤེས་ཀྱི་སྐུའི་རྗེས་སུ་བཟུང་བ་དང་།མགོན་པོ་འོད་དཔག་མེད་ཀྱི་ཞལ་མཇལ་བ་དང་གསུང་ཐོས་བྱུང་བ་སོགས་ཀྱི་མཐར་སྤྱི་ལོ་༡༩༢༠་ལོར་སྐུ་ཆོས་དབྱིངས་སུ་གཤེགས།

ཡོངས་ཁུང་གཡག་ཟེ་དགོན་པའི་ལོ་རྒྱུས་བསྡུས་པ་བདེན་གཏམ་རྣ་བའི་གླིང་བུ་ལས་ཤོག་གྲངས་༡༩་ནས་༢༠་པར།

ཤར་མི་ཉག་པ། རྫོགས་ཆེན་མཁན་པོ་འཇམ་དཔལ་བསྟན་འཛིན་ནས་བཏུས།

རིག་འཛིན་ནམ་མཁའ་འབྲུག་གྲགས་ནི།

ཡབ་པདྨ་རྣམ་རྒྱལ་དང་ཡུམ་ཚེ་བརྟན་སྒྲོལ་མ་གཉིས་ལ་ཨོ་རྒྱན་རྒྱ་མཚོ་གཉིས་ཀྱི་སྲས་སུ་ཡུལ་ཧོ་རའི་ཡུལ་དུ་སྤྱི་ལོ་༡༧༣༢་ལོར་སྐུ་འཁྲུངས།

Read more...

རིག་འཛིན་དབང་དྲག་རོལ་བ་རྩལ་ནི།།


ལྷ་རུ་དཔོན་གྱི་ནང་བློན་བསོད་ནམས་དབང་ཕྱུག་དང་།བུ་མོ་གཡང་སྐྱབས་མཚོ་གཉིས་ཀྱི་སྲས་སུ་སྤྱི་ལོ་༡༧༦༧་ལོར་སྐུ་འཁྲུངས།

Read more...

གླིང་སྤྲུལ་བསོད་ནམས་བསྟན་འཛིན་ནི།

གླིང་འགུ་ཟིའི་རུས་བརྒྱུད་དང་གཅིག་པའི་ལྷ་རུ་མི་བདུན་གྱི་གླིང་ཞེས་པའི་རུས་ཚན་ལས་ཆད་པའི་ཡབ་འབུམ་ཆེད་ཨ་ལོ་དང་། ཡུམ་ཆོས་འཚོ་གཉིས་ལ་སྤྱི་ལོ་༡༧༡༩་ལོར་སྐུ་འཁྲུངས།

Read more...

རྨེ་སྤྲུལ་བསྟན་འཛིན་རྒྱ་མཚོ།

རྨེ་སྤྲུལ་བསྟན་འཛིན་རྒྱ་མཚོ་ལགས་ནི བོད་རབ་བྱུང་བཅུ་དྲུག་པའི་ས་སྤྲེལ(༡༩༦༨)ལ་མདོ་སྨད་རྨེ་ཡུལ་གསེར་དེའུ་ཞེས་པའི་ས་ཆར་འཁྲུངས།

Read more...

མཁན་ཆེན་འཆི་མེད་རིག་འཛིན།

ངེས་དོན་དགེ་བའི་བཤེས་གཉེན་མཁན་རིན་པོ་ཆེ་འཆི་མེད་རིག་འཛིན་མཆོག་ནི་སྤྱི་ལོ་༡༩༦༨ལོ་སྟེ་བོད་རབ་བྱུང་བཅུ་དྲུག་པའི་རབ་རྒྱལ་ས་སྤྲེལ་ལོའི་སྟོན་ཟླ་ཐ་ཆུང་དུ་...ཨ་མདོ་རྨེ་ཡུལ་ཧ་སྨད་ཁུག་ཆུང་སྟོད་དུ་ཕ་ཨ་བོས་སྤུ་ཐོ་དང་མ་དམར་རྩ་བཟའ་འཆི་མེད་སྐྱིད་གཉིས་ཀྱི་སྲས་སུ་སྐུ་འཁྲུངས།

Read more...

ངེས་ལེགས་སྤྲུལ་སྐུ་འགྱུར་མེད་དཀོན་མཆོག་ནི།


རབ་བྱུང་བཅོ་ལྔ་པའི་ས་ལུག་༼༡༩༡༡ ༡༩༦༢༽ལོར་ངེས་ལེགས་བླ་མ་བསྟན་འཛིན་ཆོས་ལྡན་དང་། ཡུམ་ཚེ་གཟུངས་གཉིས་ཀྱི་སྲས་སུ་འཁྲུངས།

Read more...

ངེས་ལེགས་བླ་མ་བསྟན་འཛིན་ཆོས་ལྡན་ནི།

རྒྱ་སྤྲུལ་ལུང་རིག་གླིང་པས། གནས་དེའི་བྱང་ཤར་ཕྱོགས་སུ་རྟ་སྦྲུལ་ལོའི༔ བྱིས་པ་ཆོས་དབྱིངས་ཡེ་ཤེས་ཁ་ཏོག་ཅན༔ སྙིང་གའམ་ནི་ལྟེ་བར་རྩ་རིས་སམ༔ སྨེ་བའི་རྟགས་ལྡན་གཙང་མའི་རྒྱུད་ལྡན་པ༔

Read more...

ངེས་ལེགས་བླ་མ་ནམ་མཁའ་ཆོས་དབྱིངས་ནི།

ཆོས་བདག་ལུང་བསྟན་ནོར་བུའི་བང་མཛོད་ལས། དཔལ་གྱི་དབང་ཕྱུག་སྔགས་བཙུན་ནམ་མཁའ་གྲགས༔ ཞེས་ལུང་གིས་བསྔགས་པ་ལྟར་རབ་བྱུང་བཅུ་བཞི་པའི་ནང་གཡུ་ཁོག་ཏུ་སྐུ་འཁྲུངས།

Read more...