ཕྱི་ལོ་  ༢༠༡༨ ཟླ་ ༡  ཚེས་ ༢༡ གཟའ་ཉི་མ།

རྫོགས་ཆེན།

མཁན་སློབ་ཆོས་གསུམ་གྱི་རང་ལུགས་གཙང་མ་འཛིན་པའི་སྔ་འགྱུར་བ་ཡོངས་ལ་སྤྲིངས་དོན།

མཁན་སློབ་ཆོས་གསུམ་གྱི་རང་ལུགས་གཙང་མ་འཛིན་པའི་སྔ་འགྱུར་བ་ཡོངས་ལ་སྤྲིངས་དོན། རང་རེ་རྣམས་ཀྱིས་དུས་དང་རྣམས་པ་ཀུན་ཏུ་མེ་ཏོག་གང་ལ་ཕོག་པའི་ལྷ་སྐལ་རིགས་བདག་ཏུ་བཟུང་ནས་གཞན་བསྟན་ཀུན་ལ་དག་སྣང་བྱ་རྒྱུ་བཤད་པའི་སྙིང་པོ་རུ་སོང་། དེ་ཡང་གསང་ཆེན་ཐེག་པའི་ཡང་རྩེ་སྔ་འགྱུར་རང་ལུགས་ནི་འདས་པའི་མི་ལོ་སྟོང་ཕྲག་ལྷག་གི་ཡར་སྔོན་ནས་མཆོད་སྡེ་གཉིས་ཀྱིས་ཧི་མ་ལའི་རི་རྒྱུད་གཙོས་ཕྱོགས་གང་སར་སྟོབས་འབྱོར་རིགས་གསུམ་གྱིས་བྱས་རྗེས་རབས་དང་རིམ་པ་བཞག་ཡོད་མ་ཟད་རི་བོ་ཧི་མ་ལའི་རི་རྒྱུད་ཡོངས་སུ་བརྒལ་བའི་ལོ་རྒྱུས་ཀྱང་གསེར་ཡིག་ཁག་ཏུ་འཁོད་ཡོད་པ་ལྟར་རེད་ལ།

མཁན་སྤྲུལ་ལྷན་འཛོམས་༢པའི་མཇུག་བསྡུའི་གསུང་བཤད།

དེ་རིང་གི་ཚོགས་ཆུང་གཉིས་ཀའི་གྲོས་ཆོད་ལ་ངས་མོས་མཐུན་ཡོད། ཁྱེད་རྣམ་པས་ཧ་ལས་པའི་གྲོས་ཆོད་ཡག་པོ་བཞག་འདུག ངས་མཁན་སྤྲུལ་ལྷན་འཛོམས་ཐེངས་གཉིས་པའི་ཐོག་ལ་ཕེབས་པའི་དགེ་མང་རིན་པོ་ཆེ་དང་། ཉི་གྲགས་རིན་པོ་ཆེ། ཆུ་བོ་རིག་འཛིན་ཆེན་པོ། གོང་སྤྲུལ། དགེ་མང་རིན་པོ་ཆེའི་སྐུ་ཚབ། གཡག་ཟེ་སྤྲུལ་སྐུ། གང་ལྟར་བོད་ནས་ཕེབས་པ་དང་སྐུ་ཚབ་ཁག་ཚང་མས་གལ་ཆེན་དོན་ལ་བརྩིས་ནས་ཕེབས་པ་ལ་ངས་སྙིང་ཐག་པ་ནས་ཐུགས་རྗེ་ཆེ་ཞུ།