ཕྱི་ལོ་  ༢༠༡༧ ཟླ་ ༡༢  ཚེས་ ༡༨ གཟའ་ཟླ་བ།

རྫོགས་ཆེན།

དབུ་རྡི་ཐུབ་བསྟན་བཟང་པོ་ནི།

ཡབ་ཁྱི་ཤུལ་བཀྲ་ཚེ་དང་། ཡུམ་དབུ་རྡི་བཟའ་ཞིག་གི་སྲས་སུ་རབ་བྱུང་བཅོ་ལྔ་པའི་ཆུ་བྱ་༼༡༨༧༣ ༡༩༦༠༽ལོར་གཡུའི་ཆུ་དབར་ཁོག་ཏུ་སྐུ་འཁྲུངས།

མོ་རྐང་མཁན་པོ་ལྷ་མཆོག་རྡོ་རྗེ་ནི།

རབ་བྱུང་བཅོ་ལྔ་པའི་ལྕགས་སྤྲེལ་༼༡༩༢༠ ༡༩༩༠༽ལོར་གཡུ་ཁོག་ཏུ་མོ་རྐང་སྒྲོལ་མ་ཚེ་རིང་གི་སྲས་སུ་འཁྲུངས།

 

ཨ་ཚབ་སྤྲུལ་སྐུ་པདྨ་འགྱུར་མེད་ནི།

རབ་བྱུང་བཅུ་དྲུག་པའི་ཤིང་ཡོས་༼༡༩༢༧ ༡༩༨༨༽ལོའི་ཧོར་ཟླ་བཅུ་གཉིས་པའི་ནང་ཁམས་སྡེ་དགེ་དཔལ་སྤུང་ཕྱོགས་སུ་པེ་རི་རྫ་བཟོ་ཚང་ཞེས་པར་སྐུ་འཁྲུངས།

འོ་བྲན་དཔལ་གྱི་དབང་ཕྱུག་གི་རྣམ་རོལ་ཨ་ཚབ་པདྨ་བསྟན་འཛིན་གྱི་ཡང་སྤྲུལ་གར་འཁྲུངས་གཡུ་ཁོག་ཀོང་སྤྲུལ་གྱིས་རྫོགས་སྤྲུལ་ལྔ་པ་ཐུབ་བསྟན་ཆོས་ཀྱི་རྡོ་རྗེ་ལ་བརྟགས་ལུང་ཞུས་པར། ཕ་ནི་སྐལ་བཟང་མ་ནི་ཀླུ་ཡི་མིང་། །སྤྲུལ་པའི་སྐྱེས་བུ་འབྲུག་གི་ལོ་པ་ཅན། །ཞེས་སོགས་འཁྲུངས་ཡུལ་དང་སའི་ཆགས་དབྱིབས། བཞུགས་ཁང་གི་བཀོད་པ་སོགས་གསལ་བར་བསྟན་པའི་ལུང་བྱང་བསྩལ་བ་ལྟར་ཡང་སྲིད་རྩད་གཅོད་པ་རྣམས་ཀྱིས་སྡེ་དགེའི་ཕྱོགས་སུ་བཙལ་ཀྱང་། གསལ་ཐག་ཆོད་པའི་ཡང་སྲིད་ཞིག་མ་རྙེད་པས་སླར་ཡང་རྫོགས་སྤྲུལ་ལྔ་པའི་མདུན་དུ་བཀའ་འདྲི་ཞུས་ཚེ། ཁོང་གིས་ཕྱག་གཡོན་པ་གཞུ་དབྱིབས་ལྟར་བྱས་པའི་ཕུ་རུང་གི་ངོས་སུ་ས་ཆ་དང་རི་ཆུ། སྡོད་ཁང་སོགས་འདི་ལྟར་འདུག་ཅེས་ཕྱག་མཛུབ་ཀྱིས་རི་མོ་མཛད་པས། དེ་ལྟ་བུ་ཞིག་འདུག་པ་ཚང་གི་ཕ་མའི་མིང་སོགས་ཕལ་ཆེ་བ་ལུང་དོན་དང་མཐུན་མོད། བུ་ཡོས་ལོ་བར་འདུག་ཞུས་པས། ཁོང་གིས་དེ་ནི་ལོ་མགོ་འཛིན་ལུགས་གྱིས་ཡིན་ཚུལ་སོགས་དོགས་སེལ་གནང་། དེ་ནས་ཁོང་ཚོ་སླར་ཡང་དཔལ་སྤུང་ཕྱོགས་ཀྱི་དུད་ཚང་དེར་སོང་བས། ཡང་སྤྲུལ་རིན་པོ་ཆེས་སྐུ་གོང་མའི་མགུལ་ག་ངོས་བཟུང་བ་སོགས་ཡིད་ཆེས་པའི་རྟགས་མཚན་དུ་མ་བྱུང་བ་དང་གཡུ་ཁོག་ཏུ་གདན་དྲངས། ཀོང་སྤྲུལ་པདྨ་དགྱེས་པས་སྐུ་བདག་ཁྲི་གསོལ་བྱས། བླ་མ་སྒྲ་དབྱངས་རྒྱ་མཚོས་ཀློག་བསླབས་པ་སོགས་ཡོངས་འཛིན་མཛད། སྐུ་ཆུང་དུས་ནས་གྲུབ་པའི་རྟགས་མཚན་ཁྱད་པར་བ་མང་དུ་ཡོད་པར་གྲགས། དེ་ནས་རྫོང་སར་དང་རྫོགས་ཆེན་དུ་ཕེབས་ནས་འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་དང་། མཁན་ཆེན་པདྨ་ཐེག་མཆོག་བློ་ལྡན་སོགས་ལས་མདོ་སྔགས་ཀྱི་གདམས་པ་དུ་མ་མནོས། འོན་ཀྱང་གྲུབ་པའི་མཛད་སྤྱོད་ཀྱིས་ཕྱོགས་དང་ཕྱོགས་སུ་འཁྱམས་ནས་མཐར་གཡུ་ཁོག་ཏུ་ཕྱིར་ཕེབས། དེ་ནས་བཟུང་གཡུ་མཁར་དགོན་དུ་འཚོགས་བཞུགས་མཛད། དུས་འགྱུར་སྐབས་མནར་གཅོད་རྡེག་འཚོག་གིས་སྐུ་ཚེགས་བསམ་ཡུལ་ལས་འདས་པ་ཐེངས་མང་བྱུང་། དགུང་གྲངས་རེ་གཉིས་བཞེས་པ་རབ་བྱུང་བཅུ་བདུན་པའི་ས་འབྲུག་ཐ་སྐར་ཟླ་བའི་གནམ་སྟོང་ཉིན་སྐུ་ལུས་དྲང་པོར་བསྲངས་ཏེ་སེམས་ཉིད་ངལ་གསོའི་རྒྱ་བཅས་གདོད་མའི་ཕ་མཁར་དུ་གཤེགས་པར་མཛད། སྐུ་གདུང་ཞུགས་འབུལ་སྐབས་དབུ་ཐོད་ལིང་གིས་གོག་པ་སོགས་རྟགས་མཚན་དུ་མ་ཕལ་བའི་མིག་ལམ་དུ་ཡང་མངོན་པར་བྱས་སོ། །

གཡུ་ཁོག་ཡི་དམ་རྡོ་རྗེས་བྲིས་པའི་མདོ་ཁམས་གཡུ་ཁོག་ཡུལ་གྱི་ཆོས་སྲིད་ཀྱི་བྱུང་བ་བརྗོད་པ་ལོ་རྒྱུས་ཐོར་བུའི་བང་སོ་དེབ་གཟུགས་ཅན། ལྡེབ་ངོས་127 ནས་ 130 བར།

ཤར་མི་ཉག་པ། རྫཽགས་ཆེན་མཁན་པོ་འཇམ་དཔལ་བསྟན་འཛིན་ནས།

རྫོགས་ཆེན་ཡིད་བཞིན་ནོར་བུ་ཐུབ་བསྟན་འཇིགས་མེད་བློ་གསལ་དབང་པོ།

S6301386

   དེ་ཡང་སངས་རྒྱས་རིན་ཆེན་གཙུག་ཏོར་ཅན་གྱི་རྣམ་སྤྲུལ་༸གྲུབ་དབང་རྫོགས་སྤྲུལ་བདུན་པ་མཆོག་ནི་དཔལ་རི་གཉིས་པ་སྦས་ཡུལ་འབྲས་མོ་ལྗོངས་སུ་སྤྱི་ལོ་༡༩༦༤་ལོར་ཁྱིམ་བདག་ལྭ་དཀར་ཚང་དུ་སྐུ་འཁྲུངས། འཁྲུངས་མ་ཐག་༸སྐྱབས་རྗེ་རྡོ་གྲུབ་ཆེན་མཆོག་ཆེད་ཕེབས་གནང་ནས་ཐུབ་བསྟན་འཇིགས་མེད་བློ་གསལ་དབང་པོ་ཞེས་མཚན་གསོལ་དང་སྐུ་ཁྲུས་མཛད།

རྫོགས་ཆེན་ཡིད་བཞིན་ནོར་བུ་འཇིགས་མེད་བློ་གསལ་དབང་པོ།

ན་མོ་གུ་རུ་བྷྱ།
རྒྱལ་ཀུན་ཕྲིན་ལས་རང་གཟུགས་རྫོགས་ཆེན་པ། །དཀྱིལ་འཁོར་རྒྱ་མཚོའི་ཁྱབ་བདག་འཁོར་ལོས་བསྒྱུར། །
ཐེག་པ་མཆོག་གི་རྣལ་འབྱོར་བསྟན་འགྲོའི་མགོན། །སྐུ་ཕྲེང་རིམ་བྱོན་གསེར་རིའི་ཕྲེང་བར་འདུད། །

རྫོགས་ཆེན་ཡིད་བཞིན་ནོར་བུའི་མཛད་པ་མདོར་བསྡུས།

ྋགྲུབ་དབང་རྫོགས་ཆེན་རིན་པོ་ཆེ་སྐུ་འཕྲེང་དང་པོ་པདྨ་རིག་འཛིན་མཆོག་དང་ྋརྒྱལ་དབང་ལྔ་པ་ཆེན་པོ་མཆོག་ལ་ཐུན་མིན་གྱི་འབྲེལ་ལམ་ཡོད་པ་གཞིར་བཟུང་བཀའ་སློབ་ལམ་སྟོན་གང་གནང་བ་བཞིན་གྲུབ་དབང་མཆོག་མདོ་ཁམས་ཉི་མ་ཤར་ཕྱོགས་སུ་ཞབས་བསྐྱོད་ཀྱིས་རྫོགས་ཆེན་རུ་དམ་དགོན་ཕྱག་བཏབ་གནང་ནས་རིམ་བཞིན་སྐུ་འཕྲེང་བདུན་གྱི་རིང་བུ་དགོན་སུམ་བརྒྱ་ལྷག་གསར་འཛུགས་གནང༌།

རྫོགས་ཆེན་སྐུ་ཕྲེང་དྲུག་པ་འཇིགས་བྲལ་བྱང་ཆུབ་རྡོ་རྗེ།

  ༈ རྫོགས་ཆེན་རིན་པོ་ཆེ་སྐུ་ཕྲེང་དྲུག་པ་ཨོ་རྒྱན་འཇིགས་བྲལ་བྱང་ཆུབ་རྡོ་རྗེ་སྲིད་གསུམ་དབང་སྒྱུར་མཚུངས་པ་མེད་པའི་སྡེ་ཆེན་པོ་ནི། ལྷོ་ཕྱོགས་གྱི་ཙ་རི་ཏྲ་དཔའ་བོ་དང་མཁའ་འགྲོ་རང་བཞིན་གྱིས་འདུ་བའི་གནས་མཆོག་ཏུ།

རྫོགས་ཆེན་སྐུ་ཕྲེང་ལྔ་པ་ཐུབ་བསྟན་ཆོས་ཀྱི་རྡོ་རྗེ།

   ༈ རྫོགས་ཆེན་མཆོག་སྤྲུལ་སྐུ་ཕྲེང་ལྔ་པ་རིགས་བདག་པདྨ་ཐེག་མཆོག་བསྟན་འཛིན་ནམ་ཐུབ་བསྟན་ཆོས་ཀྱི་རྡོ་རྗེ་བསྟན་འཛིན་འཇིགས་མེད་དབང་པོ་ནི། ཨོ་རྒྱན་དུས་གསུམ་མཁྱེན་པའི་བསླུ་མེད་རྡོ་རྗེའི་བཀའ་ལུང་གིས་ཇི་ལྟར་སྐབས་དབྱེ་བ།

རྫོགས་ཆེན་སྐུ་ཕྲེང་བཞི་པ་མི་འགྱུར་ནམ་མཁའི་རྡོ་རྗེ།

   ༈ རྫོགས་ཆེན་མཆོག་སྤྲུལ་བཞི་པ་འཇིགས་མེད་མཁྱེན་བརྩེའི་དབང་ཕྱུག་ཕྲིན་ལས་རྣམ་རྒྱལ་རྡོ་རྗེའམ་ནམ་མཁའི་རྡོ་རྗེ་ཚེ་དབང་གྲུབ་པ་རྩལ་ནི། སྤྱིར་ལོངས་སྤྱོད་རྫོགས་པའི་སྐུ་རྣམས་ཡེ་ཤེས་རང་སྣང་གི་སྐུ་དང་ཞིང་ཁམས་ལས་ནམ་ཡང་གཡོ་བ་མེད་པ་ཞིག་སྤྲུལ་པ་གྲངས་མེད་སྟོན་པ་ལྟར།

རྫོགས་ཆེན་སྐུ་ཕྲེང་གསུམ་པ་ངེས་དོན་བསྟན་འཛིན་བཟང་པོ།

   ༈ རྫོགས་ཆེན་སྐུ་ཕྲེང་གསུམ་པ་ངེས་དོན་བསྟན་འཛིན་བཟང་པོ་ཨ་ཏི་བསྟན་པའི་རྒྱལ་མཚན་ནི། སྤྱིར་སངས་རྒྱས་དང་བྱང་ཆུབ་སེམས་དཔའ་རྣམས་དམིགས་པ་མེད་པའི་མཁྱེན་བརྩེ་དང་ནུས་པ་ལ་དབང་འབྱོར་བས།

རྫོགས་ཆེན་སྐུ་ཕྲེང་གཉིས་པ་འགྱུར་མེད་ཐེག་མཆོག་བསྟན་འཛིན།

  ༈ རྫོགས་ཆེན་སྐུ་ཕྲེང་གཉིས་པ་འགྱུར་མེད་ཐེག་མཆོག་བསྟན་འཛིན་མཐུ་སྟོབས་དབང་པོ་ཕྱོགས་ལས་རྣམ་རྒྱལ་མཆོག་ནི། གྲུབ་དབང་རིན་པོ་ཆེ་ཞིང་ཁམས་གཞན་དུ་དགོངས་པ་ཕྱོགས་པའི་ཚེ།

རྫོགས་ཆེན་སྐུ་ཕྲེང་དང་པོ་གྲུབ་དབང་པདྨ་རིག་འཛིན།

   ༈  གྲུབ་དབང་རྫོགས་ཆེན་པ་ཆེན་པོ་པདྨ་རིག་འཛིན་ཞེས་ཡོངས་སུ་གྲགས་པའི་གྲུབ་པའི་དབང་པོ་འདི་ཉིད་ངེས་པའི་དོན་དུ་སྔོན་བསྐལ་པ་དཔག་ཏུ་མེད་པའི་གོང་རོལ་ནས་བདག་ཅག་གི་སྟོན་པ་ཡང་དག་པར་རྫོགས་པའི་སངས་རྒྱས་ཤཱཀྱའི་རྒྱལ་པོ་གྲངས་མེད་གསུམ་དུ་དཀའ་བ་སྤྱད་པའི་དང་པོར་བྱང་ཆུབ་ཏུ་ཐུགས་བསྐྱེད་པ་ནས་གྲངས་མེད་གསུམ་གྱི་དང་པོའི་སངས་རྒྱས་བདུན་ཁྲི་ལྔ་སྟོང་ཡོངས་སུ་མཉེས་པར་མཛད་པའི་རྗེས།